Trane van vuur vloei
Soos hoofweë belig
Oor koue wange
En donker gesig
Warm begeertes
Hou my steeds wakker
Droog my wange af
En maak my dapper
REFREIN:
Maar is dit dan alles ? gejaag na wind?
Wind wat gaan lê langs drome
Naïef, veranderlik en blind
Voertuie jaag verby
Vervlietend soos drome
Oor en onder bruë
En tussendeur bome
Rooi ligte verdwyn
Op die horison
Daar waar my oë
Soek agter die son
REFREIN
Teken in op LitNet se gratis weeklikse nuusbrief. | Sign up for LitNet's free weekly newsletter.