Jy sien die ligte êrens uitbrand
En môre voel so vêr
Die hartseer laat jou leeg loop
En onsekerheid maak jou vuil
Hoop voel soos ? mite
Geluk soos ’n vêr weg herinnering
En jy’s alleen, koud en alleen
Maar jou oë is toe
Dis warm daar buite
Daar’s hoop in ander se oë
Daar’s mense wat lief het
Staan net op, kyk net mooi.
Maak oop jou oë, jou hart
Jou siel
Glimlag vir alles en almal
Droom, droom
Fluisters maak jou ore taai
Want die woorde is bar en vuil
Jy sien die mense om jou
En sluk die trane terug
Die wêreld skree van skoonheid
En rykdom en van wen
Maar jy’s nie van daai nie
En jy raak weg, weg
Dis warm daar buite
Daar’s hoop in ander se oë
Daar’s mense wat lief het
Staan net op, kyk net mooi
Maak oop jou oë, jou hart
Jou siel
Glimlag vir alles en almal
Droom, droom
Wees alles wat mal is
Droom jou grootste droom
Want eendag as jy oud is
Sal daar geen spyt wees
Dis warm daar buite
Daar’s hoop in ander se oë
Daar’s mense wat lief het
Staan net op, kyk net mooi
Maak oop jou oë, jou hart
Jou siel
Glimlag vir alles en almal
Droom, droom
Teken in op LitNet se gratis weeklikse nuusbrief. | Sign up for LitNet's free weekly newsletter.