Doen nou aansoek vir US Woordfees 2013
Aansoekvorms vir die US Woordfees 2013, wat van 1 tot 10 Maart op Stellenbosch aangebied word, is nou beskikbaar by www.woordfees.co.za. Die tema vir 2013 se fees is “Hemels”. Die Woordfeesspan is nie bygelowig nie en verwag dus nie dat die wêreld in Desember 2012 sal vergaan, soos voorspel op die Maja-kalender nie. Hulle nooi dus alle skrywers, kunstenaars en boekmense uit om ’n hemelse ervaring by die Woordfees te kom aanbied.
Sluitingsdatums vir aansoeke deur kunstenaars en skrywers/uitgewers is as volg:
Musiek- en dramaproduksies – 31 Julie 2012
Skrywersprogram – 15 September 2012
Vir meer inligting, besoek www.woordfees.co.za of skakel 021-808 2019.