Litnet

De Klerk
Is jy nooit maniere geleer nie en nie in staat tot beskaafde gesprekvoering nie?
Jy moet jou kennis begin opknap. Jy raak deesdae al hoe meer soos 'n outydse gekrapte grammofoonplaat waar die naald op een plek bly vashaak het.
Jy moet gerus die webblaaie van 'Max Planck institutes' en ander begin lees en jouself op hoogte bring van die jongste verwikkelinge en dan sal jy minder 'Pseudoscience' op LitNet kwytraak.
Lees ook eers iets op oor die ontstaan van stembande en veral die ontwikkeling van die menslike brein. Lees dan ook http://jannieleroux.co.za/jlr_wp/?tag=oerbrein
'Hoe is dit moontlik dat Christene so nydig en kwaad kan word?’
Hou dus op met jou gedurige voorstelling van die Bybel as 'n wetenskaplik gefundeerde handboek en jou gedurige hoogdrawende spiritualistiese spoggery, waarmee jy jouself op LitNet kom tuismaak en sal meer respek verdien van gelowiges en ongelowiges.

Boot
Jou dwaling oor God en geloofsake is ingrypend.
Mense word nie gelowig in God weens die sekulêre kennis van hul tyd, soos jy probeer voorgee om jouself te probeer regverdig nie, nog nooit nie, maar omdat hulle die roeping van die HERE (Openbaring 3:20) gehoorsaam en dan gaandeweg kennis omtrent Hom opdoen soos HY dit verlang, in teenstelling met wat jy doen. Jy doen sekulêre kennis op wat jy ook hier en daar verdraai soos dit jou pas glad nie geverifieer kan word nie en bou dan vir jou 'n sekulêre religie daaruit op wat jy probeer deurvleg met die Woord solank dit net nie strydig met jou sekulêre kennis is nie, bloot om jou gewete te probeer stil.
Die Woord wat ek vir jou dus weergee het, oor die haat, is juis dus van toepassing op wat jy doen, omdat jy volle Waarheid in die Woord sodanig haat dat jy dit verloën en ook almal wie dit wel aanhang en verkondig en weergee, probeer verguis. Dit sal jou binnekort baie duur te staan kom ...
Waarom gee jy nie eerder gehoor aan die roepstem van die HERE (Openbaring 3:20) sodat jy Hom werklik kan leer ken nie? Waarom gaan jy geestelik ten gronde weens gebrek aan kennis omtrent God Self (Hosea 4:6), welke jy slegs by Hom kan kry (Mattheus 11:29) en dan soos HY word (1 Petrus 1:16)?
Kobus de Klerk

Boot
Jy verstaan klaarblyklik nie die implikasie van jou eie woorde nie. Kom ons kyk na jou eie aanhaling. Jy sê dat mense oor al die eeue heen gelowig geword het binne die raamwerk van die kennis aan hul tyd – en hier praat ons mos van sekulêre kennis, juis nie kennis van God en SY Woord nie (terwyl dit juis oor gebrek aan kennis van God en SY Woord is waarna die HERE in Hosea 4:6 verwys). Met ander woorde, wat jy sê is dat hul sekulêre kennis hul geloof bepaal en voed. Watter lasterlike, misleidende snert. In jou reaksie hierbo, sê jy dit reguit na aanleiding van jou Galileo-relaas. Trouens, jou insig omtrent die dinge is so gebrekkig en jy is so beïnvloedbaar (gullible, sê die Engelsman daarvoor) dat jy alles wat jy daaromtrent lees, nes die agnostici, sommer so klakkeloos aanvaar, terwyl dit, as jy die nodige insig had, duidelik is dat die katolieke kerk van die tyd, beide staat en kerk, hom vergryp het aan sy magte en die Woord weggehou het van die mense en die kerk misbruik het vir politieke doeleindes.
Hier is dus 'n uitdaging vir jou – wys een plek in die Woord uit waar die HERE Jesus vereis dat mense hul geloof in Hom ooreenkomstig hul sekulêre oftewel wetenskaplike kennis moet skik of bepaal – Natuurlik kan jy nie.
Jy sê mense word nie geoordeel oor hulle gebrekkige sekulêre kennis nie. Maar in die eerste plek gaan die gesprek oor geloof, en nie oordeel nie. Jou aanmerkings is dus onsamehangend en deurmekaar. In die tweede plek versuim jy, terwyl jy dan oordeel bytrek, om te noem dat mense wel (indirek) geoordeel word weens hulle gebrek aan kennis omtrent God (Hosea 4:6; Jesaja 5:13). Natuurlik omdat jy self daaronder val want jy is op rekord dat jy geen agting vir God se geskrewe Woord het nie en dele daarvan sommer verdraai, verander of geheel en al verwerp omdat dit jou sekulêre siening nie pas nie.
Wat die Woord aanbetref – waar daar in die Woord na feite verwys word, is dit nie leuens soos jy probeer insinueer nie, maar Waarheid en betroubaar, al is daar aspekte van wat jy nie verstaan nie. Dan help dit nie om daardie gedeeltes te verwerp of sommer net af te maak nie.
Jesus Christus is die die HERE, die Woord van God as mens geïnkarneer gebore uit die maagd Maria. Glo jy dit? As sodanig het HY alle aandeel in die wyse waarop die Woord van die begin daarvan in Genesis tot aan die einde daarvan in Openbaring geïnspireer is. Let dus ernstig op die waarskuwing in Openbaring 22:18-19, juis só deur die HERE gepromulgeer om die integriteit van SY geskrewe Woord te beskerm, maar wat klaarblyklik deur jou geminag en geïgnoreer word, want jy verdraai Gods Woord gereeld, soos dit uit jou op- en aanmerkings wys, soveel so dat selfs Jaco wat 'n ateïs is, jou al daarop gewys het.
As jy dus, soos jy self sê, geoordeel sal word oor jou geloof (of gebrek daaraan) dan sien ek vir jou bittere swaarkry wat voorlê. Dit is een ding om lippetaal te bewys aan die refrein dat mense geoordeel word of hulle Christus gelowig as hul enigste Redder en Verlosser aanvaar het, maar wat is die implikasie daarvan? Vir jóú? Jy is reeds geoordeel as jy die Woord van Christus verdraai en minag, want Christus ís die Woord. As jy dus SY Woord so met minagting behandel, behandel jy Hom mos net so en dan kan jy mos nie aanspraak maak daarop dat jy Hom as enigste Redder en Verlosser aangeneem het nie. Op jou eie uitwysing oor die oordeel, sal jy dus veroordeel word daaroor ...
Die HERE se Woord is duidelik vir diegene wie werklik in Hom glo. Op so 'n manier ruim HY Self alle misverstande oor Hom en SY Woord en ook, in soverre dit relevant is, oor die ontstaan van die heelal en wat daarna gebeur uit die weg.
Geloof is die volle aanvaarding en aanneming van God Drie-enig en SY Woord soos HY Homself openbaar deur SY Woord, die Seun van die Mens, Jesus Christus die HERE, gebore uit die maagd Maria deur die werking van die Heilige Gees en deur die openbaring deur en van SY Heilige Gees. Hier is die geloofsbelydenis van die ware gelowige:
Ek glo in God Drie-Enig, dit is die Here, Here, Here van die leërskare, God van ons vaders, God van Abraham, Isak en Jakob, ons God, die een en enigste waaragtige God, God die Vader, Seun en Heilige Gees, die Allerhoogste en Almagtige en Alwyse, ’n jaloerse en liefdevolle God, Wie nooit sluimer of slaap nie, ons Bewaarder:
God die Vader, ons goedertierene en barmhartige Hemelse Vader;
God die Seun, Jesus Christus, vleesgeworde Woord van God die Vader, Swaard van die Heilige Gees van God die Vader (Ef 6:17), deur Wie alles tot stand gekom het wat tot stand gekom het, en sonder Wie niks tot stand gekom het, wat tot stand gekom het nie, en aan Wie gegee is deur die Vader alle mag in die Hemel en op aarde, en die sleutels van die doderyk, en Wie in die geliefde, eniggebore Seun, deur die werking van die Heilige Gees van die Vader, vlees geword het, gebore uit die maagd Maria, en Wie deur die werkers van die bose ter wille van ons, sodat ons die ewige lewe sal deelagtig wees, gevange geneem is, gemartel is, gekruisig is en om die lewe gebring is ter wille van al ons sondes, maar Wie op die derde dag uit die dode opgestaan het, as ewige Oorwinnaar oor die bose, verheerlik, en sodoende finaal en vir ewig die sonde en satan oorwin het, deurdat Hy met Sy lewe en bloed vir alle mense se sondes betaal het, en alle mense van sonde gereinig het, waarna Hy opgevaar het na die Hemel, waar Hy sit aan die regterhand van God die Vader, en aan Wie gegee is die sleutel van lewe en dood, alle oordeel en alle Mag, vanwaar Hy met Sy Engeleleër op die oordeelsdag sal kom om te oordeel die wat die ewige lewe sal ingaan, en dié wat die hel saam met satan sal ingaan;
God die Heilige Gees, Wese en Krag en alomteenwoordige Gees van God die Vader, die Een Wie is soos die wind, wat kom en gaan soos Hy wil, ons Trooster en ons Ewige Helper;
Ek glo dat ek in die beskerming van God Drie- Enig staan, en dat ek van my sondes in die Bloed van Jesus Christus gereinig is, en dat die bose satan en sy werkers, naamlik die owerhede, magte, en wêreldheersers van die duisternis van hierdie eeu, die bose geeste in die lug, geen invloed op my sal hê nie, en my nie in die pad sal kan staan in my werk vir God Drie-enig nie, aangesien ons slegs die waaragtige God vrees, en ek geen vrees vir die oormag van Satan het nie, aangesien ek deur onse Here Jesus Christus en Sy Engele beskerm word, en deur God Drie-enig gelei word in my weë;
Ek glo ook aan die genade en liefde van God die Vader, die Krag en alomteenwoordige gemeenskap van God die Heilige Gees en die afwassing en reiniging van die sonde deur die Bloed van God die Seun, Jesus Christus, en ek glo ook aan die vergiffenis van al my sondes, en dat ek van my sondes en alle ongeregtighede verlos en gereinig is;
Ek glo ook aan die wederopstanding van die vlees, die totstandkoming van die Christelike Kerk as bruid van God die Seun, Jesus Christus en die gemeenskap van die Kerk, en die hiernamaals, en die Ewige Lewe in die Hemele van God Drie-enig.
Kobus de Klerk

Angus,

Wanneer en waar het jy my hierbo kwansuis uitgevang? Jy praat mos nou snert. En wat die uitlos aanbetref, is dit glad nie so nie - jy sou 'n opvolg doen en dan sal ek jou verder uitwys...

En wat Boot aanbetref, natuurlik sal jy sê wat jy sê, want hy ondersteun gedurig die ongelowiges en is net so mislei soos jy. Dit is dus logies dat jy sal sê hy gee my kamstig 'bloedneus', want as jy besef het hy praat snert agter julle aan, sou jy moes beken dat jy besig is om 'n gelowige te word.

Kobus de Klerk

De Klerk
Jy ignoreer my plasing van 29Junie. Dus plaas ek dit hier.
De Klerk
Jy skryf baie maar eintlik sê jy niks wat betrekking op die onderwerp het. Jy praat van sekulêre kennis sonder dat jy die begrip omskryf of enigsins verduidelik.
Gaan lees en ek haal kortliks aan: http://vcho.co.za/christelike_wetenskap/wetenskapsleer-vir-fisika-en-chemie-3.php#sect1.
“Sekulêre kennis is gemene grond waarop alle mense mekaar ontmoet. Byvoorbeeld almal aanvaar die swaartekragwet van Newton. Almal aanvaar die fisiese en chemiese wette en teorieë wat ons in ons kursusse aan studente leer, maak nie saak wat die geloofsoortuigings van studente is nie. Dit is algemeen aanvaarde kennis, ook genoem openbare kennis, kennis wat vir almal toeganklik (oop) is. Dit is kennis wat op een of ander ordelikheid, reëlmatigheid of wetmatigheid in ons gemeenskaplike, alledaagse ervaring gegrond is. Openbare kennis het dus 'n gemeenskaplike begronding, op grond waarvan ons almal kan saamstem oor 'n bepaalde inhoud en aard van sekere kennis as kennis. Dat dit kennis is wat deur alle mense onder bepaalde omstandighede aanvaar word, beteken dat daar een of ander wet moet wees, een of ander rigtinggewende beginsel, 'n ordeningsbeginsel moet wees, waaraan ons ons kennis onderhewig maak.”
Geloofsoortuigings speel dus geen rol nie. Dit is dus kennis wat beide deur gelowige en ongelowige mense aanvaar word. MAAR dit is ook in jou geval die kennis wat jy probeer op grond van die Bybel te weerlê en dan die daardeur die gramskap van beide op die hals haal.
Jy praat dus twak deur te beweer dat sekulêre kennis die Bybel verkrag. Waar praat die Bybel oor die wetenskap? Hoekom antwoord jy nie my vraag nie.
Tyd ontbreek my want Eskom se beurtkrag noodsaak my om antwoorde kort te hou. Ek soek nie opstelle nie, antwoord dus asb my vraag.
Verduidelik nou vir my en ander lesers hoe sekulêre kennis soos hierbo omskryf my aan die kant van die ongelowiges plaas soos jy beweer in jou kommentaar van 6 Julie.