Bybel in Kaaps: Romeine 12

  • 0

Die Niewe Liewe in Christus

12 Dis hoekô ek julle vra, broes en sustes, op grond van Got se genade, om julle liggame op te gie as liewendige opoffering, heilig en as ’n plesier vi Got. Dis die waare en regte manier hoe julle Got moet anbid. Moetie soes die sondige wêreld raakie, maa wies anners deu julle gedagtes niet te maak. Net dan sal julle kan toets en anvaar wat Got se wil is, sy goeie, perfekte en volmaakte wil. 

3 Virrie genade wat vi my gegie was, sê ek vi elkeen, moetie bietere van jouself dink as wat djy hoef te dinkie. Dink eeder van jouself met ’n nugter kop, wat saamstem mettie geloef wat Got an elkeen gegie het. 4 Wan net soes elkeen van ôs een liggam het met baie dele, en die dele hettie dieselle funksiesie, 5 soe oek in Christus, al is ôs baie, maak ôs een liggaam, en elke deel behoort an allie anner.

6 Ôs het amal veskillende gawes, volgensie genade wat an ôs gegie was. As dit jou gawe is om te profeteer, dan doen dit volgens jou geloef. 7 As dit is om te dien, dan dien; as dit is om anners te leer, dan leer hulle; 8 as dit is om anners moed te gie, dan gie vi hulle moed; as dit is om te gie, dan gie met alles van jou; as dit is om te lei, wies dan ywerig om dit te doen; as dit is om genadig te wies teenoo anners, doen dit dan met blydskap.

Liefde in Aksie

9 Liefde moet opreg wies. Haat wat sleg is; en vashou an wat goed is.

10 Wys hartlike broederliefde an mekaa. Eer mekaa boe-oor jouself.

11 Moet nooit lat julle ywerheid veslapie, maa hou julle geestelikheid, dien Got.

12 Wies vrolik in hoep, geduldig in droefheid, volhart in gebed.

13 Deel mettie Jirre se mense wat in nood is. Oefen julle gasvryheid.

13 Siën hulle wat julle wil vevolg; siën hulle, moet hulle nie vevloekie.

15 Wies bly met hulle wat bly is; treur met hulle wat treur.

16 Liewe in vriede met mekaa. Moenie te trots wiesie, maa wies gewillig om te meng met mense wat minner as djy het. Moenie vewaant wiesie.

17 Moenie kwaad met kwaad betaalie. Wies vesigtig om te doen wat reg is innie oë van amal.

18 Proebee om soe vêr as moontlik met amal in vriede te liewe.

19 Moenie wraak wil niemie, my dierbares, maa los plek vi Got om te oordeel, wan dit is geskryf: “Dis my reg om te straf; Ek sal trug betaal,” sê Got.

20 Maak eeder soe, “As jou vyand honge is gie hom kos; as hy dôs is, gie hom iets om te drink. Deu dit te doen lat djy hom brand met skaamte.”

21 Moenie laatie bose jou oorvallie, maa oowin die bose mettie goeie.

  • 0

Reageer

Jou e-posadres sal nie gepubliseer word nie. Kommentaar is onderhewig aan moderering.


 

Top