Bybel in Kaaps: Psalm 137 en 138

  • 0

Psalm 137

 1 Byrie riviere van Babel het ôs gesit en huil

wanne ôs vi Sion geonthou het.

2 Ôs het ôs harpe annie wilgerboeme
opgehang,

3 wan daa het dié wat ôs gevangene gehou het

ôs gevra vi liedere,

ôs vedrukkers het gesê ôs moet
heppie liede sing,

hulle het gesê, “Sing vi ôs een vannie liedjies van Sion!”

4 Maa hoe kan ôs in ʼn vriemde land
ʼn lied vannie Jirre sing?

5 As ek jou vegiet, Jerusalem,

lat my regtehand dan al sy vaardigheid vegiet.

6 Mag my tong tien my vehiemelte vassit

as ekkie vi julle onthou nie,

as ekkie vi Jerusalem sien
as my grootste vreugde nie.

7 Onthou tog Jirre wattie Edomiete gedoen het
die dag toe Jerusalem gevallit.

“Slattit plat,” het hulle geskrie,
“Slattit plat, tot op sy fondasies!”

8 Babel, djy is gedoem
tot vewoesting,
geseënd issie ene wat jou trugbetaal
vi wat djy an ôs gedoenit.

9 Geseënd issie ene wat jou kleintjies vat
en hulle tienie rotse plat slat.

 

Psalm 138

Gie an God alle dank

Van Dawid.

1 Ek sal U prys, Jirre, met my hele hart,

voorie gode sing ek U lof.

2 Ek wil voo U heilige tempel buig

en ek wil U naam prys
vi al U liefde en U getrouheid,

wan U het U Naam en u woord
boe alle dinge opgehef.

3 Wanner ek geroepit,
het U geantwoord,
U bemoedig my en gie my krag.

4 Jirre, allie konings vannie aarde
sal U dank wanner hulle U woorde hoo.

5 Hulle sal sing vannie wêke vannie Jirre.

6 Al issie Jirre soe hoeg boe alles,
gie Hy om virrie nederiges,
maar hulle wat vi hulle trots hou
sien Hy van vê af.

7 Al stap ek innie mirrel
van moeilikheid deu
sal U my bewaar.

U stiek U hand uit en red my
met U krag.

8 Jirre, U sal U doel met my bereik,
wan U liefde, Jirre, is vi iewig en altyd.

Moetie U hannewêk lat gannie.

 

  • 0

Reageer

Jou e-posadres sal nie gepubliseer word nie. Kommentaar is onderhewig aan moderering.


 

Top