Bravo Franco Mostert!

  • 2

Met die onderhoud met Franco Mostert na afloop van die wedstryd tussen die Leeus en die Crusaders het hy Afrikaans gepraat.  Dit is mos hoe dit moet wees; Joel Stransky wat die onderhoud gevoer het moes uit die staanspoor Afrikaans met  Franco gepraat het of dan ten minste oorgeslaan het na Afrikaans nadat Franco begin praat het.

'n Ruk gelede het Kobus Wiese na afloop van 'n wedstryd Engels gepraat met Steyn.  Wat se stront is dit?  Albei is in Suid-Afrika waar die grootste gehoor Afrikaans is en albei is Afrikaans, so hoekom Engels praat?  Sodat die Aussies en die Kiwi’s kan verstaan? As hulle wil weet wat aangaan kry 'n tolk, soos met die Argentynse spanne, of plaas onderskrifte.

Jan Rap

  • 2

Kommentaar

  • Beste Jan,
    Franco Mostert het Afrikaans gepraat, want hy is Afrikaanssprekend. Joel Stransky kan nie eens behoortlik Engels praat nie; dan wil jy hê hy moet Afrikaans praat?
    Kobus Wiese het seker Engels gepraat omdat dit 'n Engelse program was. Almal op aarde verstaan Engels (ten minste diegene wat na die program gekyk het); nie almal verstaan Spaans of Afrikaans nie.

    Groete,
    Angus

  • Mostert en Steyn het Afrikaans gepraat soos dit hoort want hulle is Afrikaanssprekend. Baie, BAIE mense in Australië, die VK en Nieu-Seeland verstaan Afrikaans en vir die wat nie verstaan nie kan hulle onderskrifte sit of, soos met die Argentyne (of Federer op 'n kol), 'n tolk laat bystaan.
    ALMAL op aarde (wat na die program kyk) verstaan nie Engels nie en buitendien, hierdie neiging van Afrikaners om Engels te wil praat (en die ongemaklike pogings om nog die aksent na te probeer maak ook) is ondermynend vir Afrikaans; dit laat ons belaglik, skoorvoetend en gatkruiperig klink.

  • Reageer

    Jou e-posadres sal nie gepubliseer word nie. Kommentaar is onderhewig aan moderering.


     

    Top