Litnet

Eugene Cloete is dekaan van die Fakulteit Natuurwetenskappe aan die Universiteit Stellenbosch. Hy het al meer as 100 MSc- en PhD-studente gepromoveer, is die outeur van vyf boeke, het reeds meer as 140 wetenskaplike artikels gepubliseer en het tien patente. Hy dien in die redaksie van etlike joernale en is die stigtersdirekteur van die Universiteit Stellenbosch se Waterinstituut. Hy het al verskeie toekennings ontvang, onder andere die Havenga-prys vir biologie van die Suid-Afrikaanse Akademie vir Wetenskap en Kuns, die Goue Medalje van die Suid-Afrikaanse Akademie van Wetenskap, die Rektorstoekenning vir navorsing aan die Universiteit Stellenbosch, en die Kanseliersmedalje vir navorsing aan die Universiteit van Pretoria. Cloete is in 2011 deur die minister van wetenskap en tegnologie in die Raad van die WNNR aangestel.