Linette van der Merwe
Dr. Linette van der Merwe is sedert 1993 nou betrokke by die Universiteit van Pretoria se Departement Afrikaans. Vanaf 2011 is sy verbonde aan die Departement Geesteswetenskaplike Opvoedkunde, waar sy hoofsaaklik Afrikaanse Taalmetodologie aanbied. Sy dien op verskeie komitees en is vanaf 2014 die voorsitter van die Lente-seminaar vir Afrikaansonderwysers wat deur UP se Departement Afrikaans aangebied word.
Linette verwerf in 2022 haar PhD met die titel ʼn Kognitief-semiotiese verkenning van multimodale metafore in Filmverse I en II. Die hoofbydrae van haar transdissiplinêre navorsing is die ontwerp van ʼn geïntegreerde model vir die identifikasie en analise van multimodale metafore in die geanimeerde poësiefilms Filmverse I (2014) en Filmverse II (2016). Sedert 2020 is sy aangewys as voorsitter van die Suid-Afrikaanse Akademie vir Wetenskap en Kuns se Pretori-werkgemeenskap en organiseer sy die SAAWK se Studentesimposium vir Sosiale- en Geesteswetenskappe.
Buiten haar amptelike bedrywighede is Linette ook ʼn professionele uitvoerende vryskutkunstenaar en betrokke by verskeie projekte wat veral klassiekemusiek en die Afrikaanse kunslied bevorder. Sy is onder meer uitvoerende voorsitter van die Wakkerstroom Musiekfees, 'n jaarlikse klassieke musiekfees, en ook van Sempre Opera, 'n professionele, nie-winsgewende operageselsskap.
When poetry becomes more than words: an edusemiotic teaching approach
2025-11-27"Poetry is uniquely positioned for an edusemiotic pedagogy due to its form, sound, and imagery density. While conventional teaching has relied on textual analysis, poetry also thrives in performance, music, visual representation, and digital adaptation."
Wanneer poësie meer as woorde word: ’n edusemiotiese onderrigbenadering
2025-11-27"Die studie belig voorts die waarde van poësie as ’n veelvlakkige literêre vorm wat by uitstek geskik is vir ’n edusemiotiese benadering. Daar word gedemonstreer hoe die integrasie van tegnologie en verskeie mediasoorte, soos klankopnames, visuele beelde en digitale interaktiwiteit, die leerervaring kan verdiep."