Litnet

Linda Bosman se ervaring strek oor ’n wye verskeidenheid dissiplines binne vroeë kinderonderwys  en grondslagfase-onderwys. Uit haar pen verskyn verskeie opvoedkundige publikasies gerig op wetenskap, wiskunde, leerondersteuning, assessering en navorsing. In haar PhD-studie, wat sy aan die Universiteit van Pretoria voltooi het, ondersoek sy die implementeerbaarheid van die Franse La main à la pâte-ondersoekgebaseerde benadering tot onderwys in die grondslagfaseklaskamer, waar sy fokus op ontsluiting van die stemme van kinders as wetenskaplikes, maar ook die stemme van onderwysstudente as implementeerders van ’n komplekse benadering tot onderwys. Sy beywer haar dan ook vir die voorbereiding van student- en praktiserende onderwysers in die implementering van ondersoekgeoriënteerde en transformerende pedagogieë in die vroeëkind- en grondslagfasepraktyk.

Linda woon in Stellenbosch, waar sy verbonde is aan die Universiteit Stellenbosch se Departement Kurrikulumstudie.