Karlien Conradie
Karlien Conradie is ’n geregistreerde opvoedkundige sielkundige wat haar meestal toespits op leer- en ontwikkelingskwessies uniek aan die leefwêreld van studente. Karlien het haar MEd Psig-kwalifikasie in 2010 voltooi met ’n verhandeling getiteld “Die selfkonsep van studente wat hakkel”. Sy werk hoofsaaklik vanuit ’n fenomenologiese en sistemiese perspektief. Hierdie tipe denkwyse poog om binne die raamwerk van eiesoortige belewenisse die delikate wisselwerking tussen ’n verskeidenheid faktore te erken en te verstaan. Weerloosheid, stigmatisering, menslike smart en die liggaam-psige-verbintenis is begrippe binne die sielkunde vakgebied wat haar veral interesseer. Karlien hoop om nog vele akademiese bydraes te lewer ter bevordering van die rykheid van die beroep.
