Izak Grové
Izak Grové is professor emeritus in musiekwetenskap en musiekteorie aan die Universiteit Stellenbosch. Hy het alle voor- en nagraadse kwalifikasies aan die (destydse) Universiteit van die Oranje-Vrystaat behaal. Danksy ’n DAAD-stipendium kon hy musiekwetenskaplike opleiding aan die Friedrich Wilhelms Universiteit en Beethoven-Archiv in Bonn ontvang en ’n proefskrif oor Beethoven se liedere voltooi. Sy musiekwetenskaplike navorsing is primêr gerig op Suid-Afrikaanse kunsmusiek. Hy het in 1984 ’n klein festschrift oor die komponis Arnold van Wyk (1916–1983) gepubliseer en in 1993 ’n huldebundel met opstelle oor die werk van Stefans Grové (1922–2015) as spesiale uitgawe van die SA Akademie vir Wetenskap en Kuns se Tydskrif vir Geesteswetenskappe. Hy was vir etlike jare sekretaris van die (tans ontbonde) Musiekwetenskapvereniging van Suidelike Afrika en is steeds op die redaksie van die gemelde Tydskrif vir Geesteswetenskappe. As orrelis vir meer as veertig jaar het hy ook etlike koraalvoorspele en liedinleidings gepubliseer.
Mourning melodies: Eugène N. Marais’ "Winternag" as verse and song
2025-11-04"To illustrate the interaction between verse and song, this essay also briefly discusses musical features such as text metre, musical rhythm, and the traditional four-bar phrase structure, and provides a concise history of Afrikaans songwriting."
Treurige wysies: Eugène N. Marais se "Winternag" as vers en lied (1908–2024)
2025-11-04"Die voorneme om die samewerking tussen vers en lied, as liedgenres, histories te kan begryp, gaan gepaard met bondige definisies van voorvereistes en werkwyses, wat ook ’n mate van musiekteoretiese kenmerke soos metrum en ritme insluit."
Akademiepryse 2017: Huberte Rupertprys vir klassieke musiek aan Hanna van Niekerk – commendatio
2017-06-23"Haar pionierswerk hier het gelei tot etlike van haar studente as nasionale en internasionale pryswenners."
