Litnet

Elsabé Kloppers het doktorsgrade in teologie sowel as musiek en was professor in Praktiese Teologie aan die Universiteit van Suid-Afrika (Unisa). Sy is ’n gegradeerde navorser van die Nasionale Navorsingstigting (NRF) en is tans Buitengewone Professor aan Unisa, sowel as navorsingsgenoot aan die Universiteit van die Vrystaat. Vanaf 2013 tot 2018 was sy ’n aanbieder by die interdissiplinêre Somerskool vir Musiek en Religie, ’n projek van die Fakulteit Teologie aan die Universiteit van Heidelberg en die Hochschule für Kirchenmusik in Heidelberg, Duitsland. Sy tree ook tydens verskeie ander konferensies as spreker of hoofspreker op en dien in die uitvoerende komitees van twee internasionale vakverenigings. Voorheen was sy die koördineerder van die Instituut vir Musieknavorsing by die Nasionale Navorsingstigting (NRF). Sy het op die komitees vir die Liedboek van die Kerk (2001) gedien en deur ’n groot aantal vertalings ’n bydrae tot ’n ekumeniese bewussyn gelewer.