Annie Burger
Annie Burger het in 2014 ’n BA-graad aan die Universiteit Stellenbosch ontvang en behaal agtereenvolgens daarna ook die volgende kwalifikasies aan dieselfde universiteit: Nagraadse Diploma in Dokumentanalise en -ontwerp (2016), MA in Dokumentanalise en -ontwerp (2018) en PhD in Afrikaans en Nederlands (2023). Tydens die skryf van hierdie artikel was sy ʼn nadoktorale navorsingsgenoot in die Departement Afrikaans en Nederlands aan die Universiteit Stellenbosch. Tans is sy ʼn dosent aan die Universiteit van Suid-Afrika. Haar navorsing fokus op sosiale en kontekstuele faktore wat gewone taal beïnvloed. Sy het ook ondervinding in leer- en inligtingsontwerp.