Litnet

Adeline Radloff het in haar jeugjare deur meer as 25 lande gereis. Sy het darem ook 'n regsgraad en 'n MA-graad in Engelse letterkunde verwerf. Sy het al gewerk as 'n rolprent-operateur, ‘n skoonheidsdeskundige, 'n regshulp-assistent, 'n kelner, 'n parfuumverkoper, 'n kroegmeisie, 'n vryskut joernalis, 'n ontbytkok, 'n kandidaat-prokureur, 'n taalspesialis, 'n huisvrou, 'n barista, 'n EFL-onderwyser, en 'n akademiese ontwikkelingstutor.

Dit was met ‘n sekere sin van verligting dat sy uiteindelik haar plek in die lewe gevind het as skrywer, onderwyser en ma.

In 2009 het sy die Sanlam Prys vir Jeuglektuur gewen vir haar debuutroman, Sidekick. In 2012 is haar tweede boek, Een Stad, Drie Rooikoppe, Sewe Dae, wat sy saam met haar suster, Lili Radloff geskryf het, gepubliseer.

Sy bly in Kaapstad saam met haar man en twee dogters.