Litnet

Soos gewoonlik, en almal weet al daarvan, maak Kobus uit die duimgesuigde bewerings, of hy haal aan uit Kreasionistiese twak, as hy beweer dat volgens die evolusieleer die een spesie uit ’n ander “te voorskyn kom”. Lees dit hier.

Nêrens in die evolusieleer word gesê dat die een spesie uit die ander kom nie. Net mense soos dominees dink dit is so, en daarom preek hulle gereeld dat Darwin gesê het mense stam van ape af.

Die mens en die aap se gemeenskaplike voorouer het 30 miljoen jaar gelede geleef, maar Kobus met sy spirituele IK sal dit nie verstaan nie. Darwin sê self:

By the theory of natural selection all living species have been connected with the parent-species of each genus, by differences not greater than we see between the varieties of the same species at the present day; and these parent-species, now generally extinct, have in their turn been similarly connected with more ancient species; and so on backwards, always converging to the common ancestor of each great class. So that the number of intermediate and transitional links, between all living and extinct species, must have been inconceivably great.

Darwin het sy teorie nie sommer uit die duim gesuig nie. Sy teorie het tot stand gekom na baie jare se navorsing, die versameling van baie voorbeelde, en die gedurige skakeling met ander navorsers en die werk wat hulle doen.

Daarteenoor klou Kreasioniste plus Kobus aan ’n mite wat hulle beweer die waarheid is, nl dat die mens deur God plotseling volwasse geskape is met tieties en al uit ’n hopie grond. O, God het toe asem geblaas in die hopie grond, en amper vergeet ek van die ribbebeen.

Die vraag is nou, wie het dit gesien gebeur? Die antwoord is heel eenvoudig. Daar was niemand nie; Hierdie verhaal hoe die mens gemaak is, is mondelings van geslag tot geslag oorvertel, totdat een of ander geleerde grotbewoner dit neergeskryf het.

Vir wetenskaplikes maak dit nie saak wie wat glo nie. Vir party mense sal die wetenskaplik gefundeerde evolusieteorie aanvaarbaarder wees. Vir Christene sal die hopie grond-ribbebeen storie geloofbaarder wees.

Ek neem Christene nie kwalik dat hulle hoog en laag sweer by die hopie grond-ribbebeen storie nie, ek neem hulle ook nie kwalik dat hulle verbete veg vir die waarheid daarvan nie, want as dit enigsins as onwaar bewys kan word, dan is hulle ou godsdiensie ook in sy peetjie in.

Dis die dun draadjie waaraan hulle hang. Natuurlik dink hulle dis ’n helse dik tou, want daar is die goddelike ingryping en natuurlik gebed.

Bron vir Darwin-aanhaling:

Darwin, Charles . On the Origin of Species By Means of Natural Selection, or, the Preservation of Favoured Races in the Struggle for Life (p280). Sterling ISBN 13 978.1 .4027.5639-9

Groete
Angus