Litnet

Wat is die verskil tussen ’n gay persoon en ’n homoseksuele persoon?

Ek glo daar is ’n verskil.  Die gay persoon is homoseksueel wat hom/haarself as deel van ’n gay-subkultuurgroep beskou, waar in teenstelling wil ’n homoseksuele man/vrou hom/haarself glad nie met sodanige subkultuurgroep vereenselwig nie, merendeels word dit deur hulle verafsku.

Gays huldig die gayvlag, gaan na gay klubs, ondersteun die gay-pride, het gewoonlik ’n gay verhouding, verkeer gereeld sosiaal met ander gays, sal moontlik met ’n gay trou; ens.

In teenstelling, ’n homoseksuele persoon, is merendeels met die teenoorgestelde geslag getroud of in een of ander emosionele verbintenis met die teenoorgestelde geslag, en bedryf sy/haar seksuele voorkeure skelm, en soek nie ’n emosionele verhouding met enigiemand van dieselfde geslag nie. Die daad is gewoonlik suiwer fisies sonder enige emosionele verbintenis in die vooruitsig nie.

Voor die internet, was kontak met ander via erkende publieke uithangplekke, merendeels die optel van “rents” (manlike hoere).  Sedert die internet, word deur geadverteerde seksblaaie vir seks gesoek.  Waar heteroseksuele getroude mans vroulike hoere uitsoek, doen die getroude homoseksuele mans dieselfde, met die verskil, hy soek mans.

Toe ek jonk was, het ek vele verhoudings met aantreklike getroude mans gehad, wat my gebel het om hulle te kom kuier wanneer vroutjie “uithuisig” was.  In twee gereelde gevalle, was dit saam met vroutjie.

Statistieke rakende die “homoseksuele” gemeenskap is basies onmoontlik om te bepaal, want sodanige persone gaan nie vir ander sy voorkeure erken nie.  Maar as ek na my eie ondervindings en waarnemings moet raai, sou ek se hulle en die gays is ewegetallig.

’n Definitiewe verklikker is wanneer ’n man se oë na ’n ander man dwaal, veral waar ’n mooi vrou en aantreklike man saam loop, en die oë dwaal onmiddellik eers na die man, vlugtig na die vrou, en weer terug na die man.  Dieselfde geld vir homoseksuele vrouens. 

Vrouens, hou julle mans dop.  Mans, hou julle vrouens dop.  Miskien gaan julle ’n onwenslike verrassing ondervind.

Jaco Fourie