Die kwessie oor die Goddelikheid van die HERE Jesus Christus is die persepsie en feit wat die agnostikus telkens pootjie tot die mate dat hulle algar óf ernstig twyfel daaroor óf prontuit sê dat hulle dit nie (kan) glo nie.
Maar dit is nie net die agnostici wat daarmee sukkel nie – dit is ook die ander ongelowiges soos byvoorbeeld die hindoes, die islamiete, die judaiste, die Jehova getuies en verskeie ander religieuse groepe.
Jesus Christus is nie net mens nie – HY is ook Mens, of, soos Hy ook na Homself soms verwys, dye Seun van die Mens. Hierdie titel dui op Sy Goddelikheid as geïnkarneerde Woord van God Wie na die aarde gekom het deur die geboorte uit die maagd vir ’n baie bepaalde doel, naamlik die feit dat HY as perfekte sondelose (slegs die Godheid kan soiets bewerkstellig) die las van die sonde van die mensdom – vir daardie doeleindes Sy medemense – kon opneem en wél opgeneem het tot vandag toe tot aand ie einde van hierdie spirituele eeu, die aanbreek van die dag van Oordeel. Hierdie aspekte omtrent die HERE Jesus Christus is welbekend en behoef nie bewyse uit die Woord nie – alle ware gelowiges weet dit reeds.
Dit mag dalk vreemd voorkom dat ek na, byvoorbeeld, die judaiste en die Jehova-getuies as ongelowiges verwys. Maar die HERE Jesus Christus is só onlosmaaklik deel van die Godheid dat Hy optree as ’n bepaalde Persoonlikheid van Godheid tesame met die Vader en die Heilige Gees. As mense dus die Godheid van die HERE Jesus Christus ontken, dan ontken hulle terselfdertyd die werklike Wese van God Self. God is mos nie Woordloos of sprakeloos nie – ten aansien van die mensdom word hierdie Goddelike funksie (kommunikasie) vervul deur SY volkome Woord en dié Woord het vir die bepaalde doel soos vermeld hierbo, as mens geïnkarneer in die Persoon van die HERE Jesus Christus – om ook, benewens die rol van die lasdraer van menslike sonde, ook die rol te vervul van die eerste Opgewekte en Herrese Mens toe Hy uit die dood uitgekom het en aan talle verskyn het as Voorloper van die wederopstanding van mense aan die einde van hierdie spirituele eeu.
Die interessante is om te sien hoe die agnostici hulself probeer oortuig daarvan dat die HERE Jesus Christus nie terselfdertyd Godheid is nie. Onlangs skrywe Wouter aan Chris (beide van hulle is ateïste en Chris radikaal en aggressief só) dat hy ‘oortuig’ is van die beweerde nie-Goddelikheid van die HERE Jesus weens die (laat) ‘ontwikkeling’ daarvan oor die afgelope 700 jaar of so, so asof die aspek van die HERE se Goddelikheid vir die eerste maal sedert die veertiende eeu eers ter sprake gekom het of sommer asof uit die duim gesuig is.
Verbasend hoe só ’n ongegronde bewering sommer weersprekende feite ontken.
Die getuienis van die HERE Jesus Christus se Goddelikheid deurspek die geskrewe Woord (die Bybel). Hierdie getuienis van op rekord gestel deur bekende mense van die tyd wie bekend was aan en met die HERE Jesus sowel as ander wie Indië tye geleef het. Die HERE Self het ook by verskeie geleenthede na die feit van Sy Goddelikheid verwys – tewens, dit is juis hierdie bekendmaking van Hom wat Hom die gramskap van die Joodse owerhede en die Sanhedrin op die hals gehaal het tot die punt dat hulle die HERE daaroor laat kruisig het (nadat hy deur die geregshof van Pilatus onskuldig bevind is op klagtes van sedisie – waarvoor Hy amptelik aangekla was deur die Jode). Hoe hierdie geskiedenis net geïgnoreer word, kan slegs geskied in die bevooroordeelde gemoed van die spiritueel oneerlike agnostikus – Woordverwysings as bewyse van die heel vroegste bevestiging van die feit van Goddelikheid is daar talle van (hier is sommige - Jesaja 43:10-12 ; Johannes 1:14 ; Filippense 2:6-11 ; Hebreërs 5:8; Romeine 8:3-4; Mattheus 8:29 ; 14:33 ; 26:64 ; 27:54 ; Markus 1:1 ; 3:11 ; 5:7 ; 14:62 ; Lukas 1:35 ; 2:10-12 4:41 ; 8:28 ; 12:8 ; 22:69 ; 22:70 - 71 ; Johannes 1:18 ; 1:34 ; 1:50-52 ; 3:18 ; 5:25 ; 6:69 ; 8:58 ; 9:35-41 ; 3:36 ; 5:25-26 ; 6:27 ; 6:69 ; 9:35-38 ; 10:36 ; 11:3-35 ; 11:25-27 ; 13:31-33 ; 19:7 ; Handelinge 7:56 ; 8:37 ; 9:20 ; 2 Korintiërs 1:19 ; Galasiërs 4:4-6 ; Hebreërs 4:14 ; 6:4-6 ; 10:28-29 ; 1 Johannes 3:8 ; 4:15 ; 2 Johannes 9 ; Openbaring 2:18 ; 21:6-7 ; Johannes 14:6-11; 1 Petrus 1:17-20 (veral 20); Efesiërs 1:3-6).
Die Woord verwys dus na die HERE Jesus Christus in beide Sy hoedanighede – dié van Mens en dié van Ewige, van Godheid.
Die enigste manier hoe sommige agnostici egter hierdie bewyse probeer verdag maak, is met hulle eie verdagte en onbetroubare optrede. Chris se uitlatings hieroor is nogal baie duidend van hierdie metode - hulle val die betroubaarheid van die Bybeltekste self aan en so probeer hulle soos met 'n uitveër die hele geskrewe bron uitvee. Hulle slaag natuurlik nie, want mens kan eenvoudig nie die Waarheid uitvee nie - Jesus Christus die HERE IS mos na alles die Waarheid (Johannes 14:6)- ten spyte van hulle en hulle voorgangers se verbete pogings om dit te bewerkstellig so nutteloos en vrugteloos is dat die Woord steeds vandag en selfs veral vandag, van krag to Krag gaan - want die HERE Jesus Christus is God in Woord en HY Leef tot in ewigheid.
Dan is daar natuurlik ook nog die ervaring en daaglikse belewenis van die massas ware gelowiges waar ons 'n daaglikse kontak en gemeenskap met die HERE Jesus Christus het welke ervaring en belewenis dit wat ons in die Woord van die HERE Jesus Christus lees, bevestig. HY is God in Woord. Hierdie ervaring van die Waarheid kan deur die antagoniste se sinnelose sirkelargumente wat hulle onder mekaar in die duisternis van onkunde voer (hulle soek sorgvuldig bronne uit van diegene wat net soos hulle daaromtrent dwaal), net eenvoudig nie geraak of afgekraak word nie.
Kobus de Klerk
Kommentaar
Heil die leser.
Vir jare reeds is die brandpunt in my bydraes op die werf my belydenis dat Jesus Christus ons almal se GOD is.
Daarom het Kobus de Klerk so 'n sterk afkeur aan my.
Had Kobus de Klerk egter net 'n mate van midrash verstaan, dan sou hy dalk ook Jesaja 9:5 se lering begryp het: "Want ’n Kind is vir ons gebore, ’n Seun is aan ons gegee; en die heerskappy is op sy skouer, en Hy word genoem: Wonderbaar, Raadsman, Sterke God, Ewige Vader, Vredevors".
Jare reeds dring Kobus de Klerk ook daarop aan dat Jesus Christus nie onse Hemelse Vader is nie, maar wel die Woord van God.
Kobus de Klerk herlei voorts sy onjuiste opvatting dat die Bybel, die Woord van God is.
Had Kobus de Klerk ook net hier 'n bietjie midrash verstaan, dan sou hy die herinterpretasie van onse Logos uit die Griekse filosofie in Johannes 1:1 ook kon verstaan het: "In die begin was die Woord, en die Woord was by God, en die Woord was (is) God" ...
Kobus de Klerk snou my ook gereeld toe vir my belydenis dat Jesus Christus onse Hemelse Vader is. Dit, ten spyte daarvan dit ook geskrywe staan "En as julle Hom as Vader aanroep ... omdat julle weet dat julle nie deur verganklike dinge, silwer of goud, losgekoop is uit julle ydele lewenswandel wat deur die vaders oorgelewer is nie, maar deur die kosbare bloed van Christus, ..." (Uit 1Pet 1:13-25)
Alles is aan My oorgegee deur my Vader, en niemand ken die Seun nie, behalwe die Vader; ook ken niemand die Vader nie, behalwe die Seun en elkeen aan wie die Seun dit wil openbaar. (Mattheüs 11:27) ... en niemand kan sê dat Jesus die Here is nie, behalwe deur die Heilige Gees. (1 Korinthe 12:3) Ek is die Alfa en die Oméga, die begin en die einde, die eerste en die laaste. Ek, Jesus, het my engel gestuur om hierdie dinge aan julle voor die gemeentes te betuig. Ek is die wortel en die geslag van Dawid, die Blink Môrester. (Uit Openbaringe 22)
Teen dit alles tik Kobus de Klerk vandag weer sy woordspeletjies onder hoofde "Die goddelike hoedanigheid van Jesus Christus".
Goddelik 1, =e. Van God. 'n Goddelike instelling. goddelik 2, =e. Van of soos 'n godheid, hemels, verhewe, heerlik. elke goddelike dag laat wees, (geïrriteerd gesê), elke dag, sonder uitsondering, laat wees. goddelikheid.
Wyl Kobus de Klerk en sy mede misantropiese Bybelaanbidders hul verhef oor die Evangelie en Jesus Christus in hul slimmigheid bloot as "goddelik" verklaar, bely ek heelhartig en met vreugde nederig die wete in my hart dat Jesus Christus, GOD is!
Mag Jesus Christus onse Almagtige Lewende GOD en Hemelse Vader, die Alfa en Omega, die blink Morester, ... ons verlos van Kobus de Klerk en sy meelopers se spiritueel intelligente drogma en Self in 'n ieder se hart openbaar.
Namaste!
Cornelius Henn
Skryf nog sulke onsamehangende, basislose snert, Kerneels, want so wys jy jouself uit vir die irrelevante ketter wat jy geword het. Met goed soos hierbo en die bot insigloosheid wat dit vertoon omtrent enigiets wat jy daarin aanraak, insluitende jou eiesoortige insiglose interpretasies van die Woord wat jy as gesag probeer aanhaal (die satan het dit ook met die HERE probeer doen en is die loef afgesteek ) het mens werklik nie nodig om dit uitmekaar te trek nie.
Dit is nie net die agnostikus wat telkens gepooitjie word deur die Goddelikheid van onse Here Jesus Christus nie, maar wel die Christen-ateïs ook.
KdK spreek hier 'n ernstige saak aan tov wat die gelowige vir 2014 behoort te staan. Christene moet wakker skrik en besef dat ons in tye leef waar mense binne en buite die Kerk met Jesus Christus spot en hulle eie goddelose begeertes navolg. Valse leringe genereer skade en afvalligheid, en die stelling dat ons skrifte nog altyd "verkeerd interpreteer" of "anders moet lees, of "moet aanpas" tov wat ons voorheen geglo het, is die grootste snert.
God se Woord is duidelik, reguit en maklik verstaanbaar. Daarom kan selfs 'n kind dit uitleef. En dis soos God dit bedoel het. Skrifte weergegee hierbo, ondersteun KdK se stellinge. En is dit die belangrikste.
Elkeen is vry om self ondersoek in te stel, gelowiges sowel as ongelowiges, en die waarheid vir SELF te ontdek.
Trienie Mahne,
Nes Kobus de Klerk dit in sy haat teenoor my hierbo gewreek het, ek werklik hoop en bid dat belangstellendes hier weldeeglik die onderskeid tussen ons belydenis sal ken.
Wyl Angus en Chris Dippenaar meen Jesus Christus is geheel fiktief, "Wouter Ferns" meen Jesus Christus 'n historiese figuur is, en jy en Kobus de Klerk meen Jesus Christus bloot Goddelik is, ek bely dat Jesus Christus onse HERE, GOD is.
Dis ook net deel in julle bedrog dat ek die enigste op aarde is wat sulke belydenis kwansuis sou versin.
Ek ag my genadiglik deel aan die heilige katolieke (met 'n klein k) Kerk, presies soos dit onder meer in artikel 27 van die Nederlandse Geloofsbelydenis verklaar word, en ook hoe Jesus Christus as GOD in dieselfde belydenis gedien word.
Dis baie duidelik dat nie een van jy of Kobus de Klerk ooit katkisasie aan enige Kerkgenootskap ontvang het nie.
Dis ook herhaalde maal duidelik hoe fundamenteel en radikaal julle daarop aandring dat die Bybel, die Woord van GOD is - julle as kwansuis sondelose ware gelowige Bybelaanbidders ander se harte en weg in die liefde en genade van ons almal se Skepper minag.
Daarenteen glo en bely ek dat Jesus Christus, die Woord (Logos), God is, die Bybel 'n kosbare bundel heilige skrifte is en elkeen se hart - gelowige en ongelowig - kosbaar, verborge en heilig aan GOD behoort.
Angus en Chris Dippenaar verskil van "Wouter Ferns" nes ek van julle verskil in my belydenis.
Trienie, dis ook opmerklik hoe dwaas jy agter Kobus de Klerk met sy "agnostici" aan dool.
Mag Jesus Christus, die Woord van GOD, ons almal vergewe en self die Tuinier in 'n ieder se hart wees.
Cornelius Henn
Beste Cornelius,
Beste Angus,
Soos altyd; baie dankie vir jou belangstelling.
Ek aanvaar nog altyd jou en ander agodsdienstiges se bewys dat Jesus Christus, fiksie/mite is.
Ek had ook groot waardering onlangs vir Wouter Ferns se oortuigende rede dat Jesus Christus 'n historiese figuur was.
Eweneens ek selfs beskouing dat Jesus Christus bloot Goddelik is, respekteer.
Kobus de Klerk en sy ewe siniese dissipel Trienie Mahne, verag egter enigeen wat nie soos hulle kwansuis sondelose ware gelowige Bybelaanbidders glo nie.
Die werf se sondelose ware gelowiges dien by uitstek hul eie ego. Let gerus self hoe hulle gedurig wind in mekaar se gatte opblaas.
Opmerklik ook hoe min hul uitleg van Moslems se beskouing verskil naamlik dat; Jesus Christus, die hoogste en grootste Profeet (Goddelik) is - dog Moslems (nes Kobus de Klerk en Trienie Mahne) hul sterk afkeur wend tot enigeen wat bely dat Jesus Christus onse GOD/Allah is.
GOD alleen ken en bewerk geloof in 'n ieder se hart - daarom verhef ek my nie oor ander se geloof of ongeloof nie.
My bydraes hier is nie om enigeen te oortuig dat Jesus Christus GOD is, of dat daar eens wel 'n GOD is nie.
Dis ter wille van menslikheid, begrip vir mekaar en uit dankbaarheid vir die geloof in my hart dat ek nederig die wete uit my hart bely dat Jesus Christus, GOD is.
Ek staan egter enige onderdrukker - gelowig of ongelowig ... links of regs - geheel teen.
Kobus de Klerk se minagting vir ander se harte maak sy eentonige disputasies en d(r)ogma iets afstootlik.
Godsdiens behels 'n hele omvang van plegtighede in die AANBIDDING van GOD!
Lees gerus die kwansuis spiritueel intelligente Kobus de Klerk en Trienie Mahne se geJUIG vol "gees vervulde" trane telkens waar 'n ander se hart vertrap word, en probeer dan verklaar wat op aarde hul fundamentele anderhaat met enige Godsdiens op aarde te make het?
Nes Al Qaeda is daar Bybelaanbidders wat onder 'n dekmantel van Godsdiens ander haat.
Angus, mag Jesus Christus onse HERE, self geloof in 'n ieder se hart bewerk.
Namaste!
Cornelius Henn
Angus, Angus... met ander woorde, as iets in die derdepersoon geskrywe is, is dit altyd fiksie? Watter belaglikheid.
Beste Kobus,
Hello Angus
Aan Kobus is daar geen salf te smeer. Net iemand soos Trienie gaan dalk 'n loflied hier sing om sy ego te streel, maar ek en jy weet van beter. Die twee skakels wat ek hier onder los mag jy dalk baie interessant vind. Al wat Kobus regtig bereik, met skakels soos die wat hy hierbo gelos het, is om die inetellektuele oneerlikheid van die Christen-apologeet te demonstreer:
http://packham.n4m.org/montgmry.htm
http://packham.n4m.org/pehrson.htm#RETURN
Beste Angus,
Jy tik: "Die evangelies kan onmoontlik ooggetuieverslae wees; so 'n persoon of persone sou van Christus se geboorte tot sy opraping moes by wees. Alles dui dus op 'n alwetende derdepersoonsvertelling."
Angus, dis sekerlik een van die beste sinne wat ek omtrent hierdie werkilkheid in lang tyd gelees het!
Bybelaanbidders soos Trienie Mahne en Kobus de Klerk, glo skynbaar dat Jesus Christus 'n tipe Ingelse prinsie was wat die voorblad gehaal het met sy eerste "scan" op ses weke oud!
Nee, daar is werklik geen, of min voorblad beriggewing van Jesus Christus se lewe op aarde gewees... en al was daar, dan sou dit net so onderhewig soos Mac Maharaj se verslag uit #1 se kantoor wees.
Sy eie dissipels het eers met die uitstorting van die Heilige Gees, "40 dae" na Sy hemelvaart bely dat Jesus Christus, GOD is.
Steeds was daar geen belang om skriftelik verslag daaroor te lewer nie, aangesien die dissipels geglo het die Wederkoms sou binnekort en in hul leeftyd plaasvind.
Daar is baie teorie waarom die Evangelies later wel in skrif opgeneem is, maar dis ook nie ter sprake nie.
Wat jou stelling hierbo besonder maak, is dat dit jou op die rand bring om die Joodse/ Hebreeuse skryfstyl naamlik "midrash", of te wel, herinterpretasie beter te verstaan.
Die Evangelies is geskryf met die veronderstelling dat; "as Jesus Christus, GOD is, dan dit en dat en dit ...", en die res is verder uit die leerstellinge (profesie) uit Joodse skrifte, vandag in die Ou Testament te vinde, saamgestel.
Toe daar op die Bybel se skrifte waaruit dit saamgestel is besluit is, was dit juis 'n maatstaf om hoofsaaklik daardie Joodse skrifte waaruit die leerstellinge dat Jesus Christus, GOD is in die Bybel te bind.
Daar is 'n menigte bron vandag op die Internet beskikbaar om midrash behoorlik te verduidelik.
Die leer om midrash te verstaan en die Bybel daaraan te vertolk, is egter algemene Anglikaanse en Roomse katkisasie.
Protestante predikers pas ook midrash Sondag na Sondag van hul preekstoele toe - hulle noem dit preek ... bloot die herinterpretasie van antieke leerstellings aan vandag se omstandighede.
Protestante predikers spandeer jare op universiteit om hierdie Joodse vaardigheid te bekom, maar dis nie regtig so moeilik om te begryp nie.
Die leer om midrash te verstaan en die Bybel daaraan te vertolk, is algemene Anglikaanse en Roomse katkisasie.
Hierdie feit kan jou ongeloof versterk, of dit kan die wonder van geloof in jou hart beaam.
Die Bybel is egter uiters gevaarlik in fundamentele dwepers en anderhaters soos Kobus de Klerk wat geen benul of respek aan die begrip midrash het nie.
Ontnugterde Protestante wat 'n feitlike verslag van Jesus Christus se geboorte tot Sy hemelvaart soos die lewensverhaal van 'n tipiese Ingelse prinsie vandag in die Bybel soek, is net so van die wal af waar hulle nie 'n begrip het aan midrash nie.
Angus, iemand soos jy wat juis soveel waarde aan die Bybel vir letterkundige waarde het, sal veel meer genot daaruit put sodra jy meer omtrent die toepassing van midrash in die Bybel ken.
Namaste!
Cornelius Henn
Net so terloops, Angus...Jou poging hierbo waar jy die stelling maak dat die evangelies onmoontlik ooggetuieverslag kan wees omdat so 'n persoon of persone sou van Christus se geboorte tot sy opraping moes by wees, is verbasend naïef. Natuurlik was daar ooggetuies - by die HERE Jesus se geboorte as Mens was SY moeder en Josef en by SY opraping, sy dissipels en so was daar altyd ooggetuies deurentyd.
Chris,
Beste Kobus,
Beste Kobus,
Beste Cornelius,
Beste Angus,
Dankie vir jou besondere rede omtrent midrash.
Ek aanvaar dit gewis so en sal nooit midrash aan enigeen een wat vrede met hul mooigeit aan onse wonderlike Bybel het, probeer dweep nie.
Midrash het ter sprake geraak jeens die slimmigheid van die werf se "slim" sinici - gelowig en ongelowig.
Jy sal dit gewis nog saam met my begin lag as jy merk hoe die kwansuis spiritueel intelligente Kobus de Klerk kleitrap omtrent iets soos midrash - gee net kans!
Intussen sal dit jou waardering vir die letterkundige waarde van die Bybel baie verbreed sou jy die plesier het om meer met jou Joodse friend daaroor te gesels.
Namaste!
Cornelius Henn
Angus,
Angus,