Duisende van ons gebruik daagliks Facebook, maar hoeveel van ons wonder oor die wetlike implikasies van die gebruik van hierdie platform, en wat ons regte en verpligtinge in hierdie verband is? Johann Neethling bespreek aspekte hierrondom in 'n onlangse artikel op LitNet Akademies (Regte) getiteld “Vonnisbespreking: Facebook en persoonlikheidsbeskerming”. Kenners uit die regsgebied reageer met hulle menings rakende Facebook, laster en identiteitsbeskerming. |
|
Facebook, identiteit en laster "Dat elke Facebook-gebruiker ’n reg op persoonlikheid- en privaatheidsbeskerming het, is nie te betwis nie. Die uitdaging om dié regte af te dwing is wat vir my as praktiserende prokureur in ’n gewone dorp tussen gewone mense van belang is." |
|
"’n Verdere moontlike aktiwiteit op Facebook is om jou met ’n stelling te vereenselwig deur aan te dui dat jy daarvan hou (dit te “like”). Sodanige optrede dui ook op assosiëring met die tersaaklike stelling, en ’n persoon wat aandui dat hy van ’n lasterlike bewering hou (dit “like”), word dus ook aandadig aan die laster." |