Litnet

Die wêreld waarin ons leef … Nou, hier by ons ter plaatse, is daar weer indringende debat oor ons verdedigingsbegroting en talle stemme gaan op vir ’n parate weermag, terwyl ander weer, ineenkrimp by die gedagte van wat dit werklik sal beteken as dié weerbaarheid die dag op die proef gestel sal moet word. …

Omar Bradley, die Amerikaanse oorloggeneraal, word aangehaal te gesê het: “Ours is a world of nuclear giants and ethical infants. We know more about war than we know about peace, more about killing than we know about living.”

Die beroemde generaal Douglas MacArthur, ook van Tweede Wêreldoorlog faam, het op sy beurt gesê: “The soldier above all others prays for peace, for it is the soldier who must suffer and bear the deepest wounds and scars of war.”

Albert Einstein het gesê, toe hy geweier het om aan die kernprogram waaruit die Hirosjima en Nagasaki kernbomme ontwikkel is, deel te neem: “We must be prepared to make heroic sacrifices for the cause of peace that we make ungrudgingly for the cause of war. There is no task that is more important or closer to my heart … [however] so long as there are men there will be wars.” Hy het waarskynlik Plato in gedagte gehad, want Plato het gesê: “Only the dead have seen the end of the war.”

Hoe het dit só geword?

Abraham Lincoln het gesê: “There’s no honourable way to kill, no gentle way to destroy. There is nothing good in war. Except its ending.” Hemingway het dit só saamgevat: “They wrote in the old days that it is sweet and fitting to die for one’s country. But in modern war, there is nothing sweet nor fitting in your dying. You will die like a dog for no good reason.” Die beroemde destydse geestelike, Erasmus, het die só saamgevat: “War is delightful to those who have not experienced it.” Hierdie is die sentimente wat tog deur die mensdom oor die algemeen gehuldig word. Francois Fenelon het aansluitend hierby, gesê: “All wars are civil wars, because all men are brothers.” Thomas Jefferson het gesê: “War is as much a punishment to the punisher as it is to the sufferer.” Croesus het die tragedie van oorlog só gestel: "In peace the sons bury their fathers, but in war the fathers bury their sons ..."

En tóg, is daar steeds oorloë en gerugte van oorloë, oraloor. Soveel só, dat Georges Clemenceau destyds genoop gevoel het om te sê “I don’t know whether war is an interlude during peace, or peace is an interlude during war.”

Dalk het dit te doene met die uitsonderingsgevalle van die ou mensdom, die Josef Stalin’s, wat gesê het “The death of one man is a tragedy. The death of millions is a statistic.” En met die instelling van die berugte en wreedaardige KGB, het hy gesê “Death solves all problems - no man, no problem”.

En hoe het dié ateïs en ander soos hy, nie die statistiek van afgryse laat opbou nie ...

Edmund Burke, die filosoof, het op ’n keer gesê “all that is necessary for evil to succeed is for good men to do nothing”. En hierdie filosofie kan mens seker deurtrek na al die vlakke en fasette van die samelewing.

Wat moet die ‘good men’ dan doen?

Napoleon Bonaparte het op ’n manier aangedui wat die resultaat uiteindelik sal wees, toe hy gesê het “There are only two forces in the world, the sword and the spirit. In the long run the sword will always be conquered by the spirit."

Ons kan meer klaarheid en substansie aan dié wysheid verleen, deur die ‘s’ in ‘spirit’ met ’n hoofletter te vervang, sodat ‘spirit’, Spirit, word. Want “Spirit” het ingrypende betekenis. Ingrypende Krag. God se Krag.

Kahlil Gibran het begin raak aan dié kenmerk van die ‘Spirit’ waar hy sê “safeguarding the right to well-being of others is the most noble and beautiful end of a human being” – naasteliefde.

Dit is die Spirit van die Liefde - God, want God ís Liefde - God in Jesus Christus die HERE het dit vir ons kom leer en demonstreer in die Woord.

Die Woord volbring dié gedagte en lewensfilosofie wat eens en vir altyd ’n einde sal maak aan die afgryslikheid van oorlog op al sy gruwelike vlakke en sál triomfeer:

Markus 12:

“30 en jy moet die Here jou God liefhê uit jou hele hart en uit jou hele siel en uit jou hele verstand en uit jou hele krag. Dit is die eerste gebod.
31 En die tweede, hieraan gelyk, is dit: Jy moet jou naaste liefhê soos jouself. Daar is geen ander gebod groter as dié (twee) nie.”
En by die bergpredikasie, dié Waarheid wat daarby aansluit:

Mattheus 7:

”12 Alles wat julle dan wil hê dat die mense aan julle moet doen, net so moet julle aan hulle ook doen; want dit is die wet en die profete.”
Waarom sou die Josef Stalin’s van die lewe dit nie wil eer en navolg nie? Waarom sou hulle die Outeur daarvan, die Spirit, die Gees van Liefde, nie aanneem nie? Omdat hulle God verloën en daarmee saam die Liefde, ook.

Maar, die Gees van Liefde, God, sál die laaste Woord hê. Dit is die wonderlike hoop en krag vir die toekoms. En wat moet die ’good men’ van Burke doen? Hulle moet daaraan begin gevolg gee. Dit is n kwessie van opvoeding en oortuiging in die Goeie, die Spirit. GOD.

Groete,
Kobus de Klerk