Foto: Canva
Ek het dit sien kom
ek het dit sien kom
oor die kim van my gedagtes
of voorvaderlike geheue
wat eerder
’n voorvaderlike sonde was
wat my agtervolg het
deur geslagte van oorerflikheid
hierdie wil om te doen
wat ek nie wil nie
’n donker skaduwee
wat verderf saai
om gemaai te word
in die toekoms geslagte
van verderflikheid
om soos Kain die merk te dra
waaraan hy geken sou word
so is die vlek aan my gegee
daardie peslike streek
om my soms bloots te ry
in my nuwe voorneme
om God te dien
soms selfs as ’n seën
om my nederig te hou
wat dit ook het
sodra ek gedink het
ek is iets –
om om te draai as niks
om dan te huil
om te verdwyn
in my eie skaamte
omdat ek feilbaar is
so maklik soos asemhaal
omdat menslikheid
altyd sal faal