Susan Kemp
Susan Kemp (49) woon op die Weskus, waar sy op vryskut- en deeltydse basis kuns, vertaling, kunsonderrig en boekillustrasies doen. Sy het gematrikuleer aan die Hoërskool Outeniqua (George), ’n BA (Tale) aan die Universiteit van Port Elizabeth behaal en ’n Handelsdiploma deur Intec Kollege verwerf. Sy het as joernalis, taalpraktisyn, komiteeklerk en skakelbeampte in Port Elizabeth, Pretoria, Bloemfontein, Graaff-Reinet, Oudtshoorn, Humansdorp en Stutterheim gewerk. In 1997 het sy begin om kuns voltyds te beoefen en sedertdien in Tsitsikamma en op Jeffreysbaai, St Helenabaai, Stellenbosch en Piketberg gewoon. Vanaf 2005 woon sy op Velddrif.
Opgedateer/Updated: 2009-02-17
Bio-inligting verouderd? Stuur 'n e-pos aan bio@litnet.co.za
Bio-info dated? Send an e-mail to bio@litnet.co.za