Litnet

Darrell het sy onderwysloopbaan by ’n skool in ’n landelike omgewing begin, waar hy posisies as onderwyser, departementshoof asook skoolhoof beklee het. Deur innoverende onderwysmetodes aan te wend, het hy leerders aangemoedig om hul omstandighede te gebruik om hoër hoogtes in die lewe te bereik. Vir personeelontwikkeling het hy hom toegespits op aangeleenthede soos onderwyseroutonomie en onderwyserleierskap. Darrell het later ’n pos aan die Universiteit van die Vrystaat aanvaar waar hy Filosofie en Beleidstudie in die Opvoedkunde aangebied het. In 2019 word hy aangestel as senior lektor aan die Sol Plaatje-universiteit en het Filosofie in die Opvoedkunde doseer. Hier speel hy ’n leidende rol in terme van navorsing wat grotendeels gehandel het oor die ontwikkeling van onderwysers vanuit ’n transformatiewe leierskapsperspektief. Hy is tans ’n senior lektor aan die Noordwes-Universiteit, waar hy die uitdaging aanvaar het om filosofie en beleidstudies met onderwysbestuur en leierskap te vervleg. Darrell se navorsing handel hoofsaaklik oor onderwyseroutonomie, professionalisme, bemagtiging van voordiens onderwysers, beleidstudie, gesagsverhoudinge, onderwyserleierskap, asook transformatiewe sosiale geregtigheid in die onderwys. Foucauldiaanse studies is ’n bykomende navorsingsveld.