Delano van der Linde
Dr. Delano Cole van der Linde is ʼn senior dosent in die Departement Publiekreg aan die Universiteit Stellenbosch. Hy doseer verskeie modules, insluitende Strafprosesreg en Gevorderde Strafreg.
Voordat hy by die US se Regsfakulteit aangesluit het, het hy aan die Noordwes-Universiteit doseer en ook as die Vakhoof: Strafreg en Strafprosesreg gedien.
Dr. Van der Linde se hoofnavorsingsveld is georganiseerde misdaad. Sy doktorale proefskrif, “Criminal gang activities: A critical and comparative analysis of the statutory framework under South African criminal law”, waarin hy sterk pleit vir regshervorming, ʼn uiteensetting verskaf van die tekstuele, prosedurele, institusionele en grondwetlike kwessies rondom Hoofstuk 4 van die Wet op die Voorkoming van Georganiseerde Misdaad 121 van 1998.
Hy is tans ʼn raadslid van die Pavocat Stellenbosch Academy, dien op die redaksie van die Tydskrif vir die Hedendaagse Romeins-Hollandse Reg en is ʼn lid van die Vereniging Hugo de Groot. Dr. van der Linde is ook ‘n bydraer tot South African Criminal Law and Procedure (Volume III: Statutory Offences). Hy het befondsing van die Nasionale Navorsingsfonds ontvang om postdoktorale navorsing te doen, wat hom in staat gestel het om sy doktorale navorsing uit te brei.
Dr. Van der Linde het in 2023 by die US ’n Navorsing- en Innovasie-toekenning vir Uitnemendheid behaal.
Admission of guilt fines in the light of procedural justice and crime control
2024-06-21"The Amendment Act amends the CPA and creates a framework which permits the Minister of Justice, in consultation with the National Director of Public Prosecutions, to declare certain offences which do not constitute previous convictions upon the payment of an admission of guilt fine."
Skulderkenningsboetes in die lig van prosedurele geregtigheid en misdaadbeheer
2024-06-21"Hierdie bydrae ondersoek die statutêre raamwerk oor skulderkenningsboetes en die belangrike rol van die polisie in die verduideliking van die proses, insluitende die gebruik van belangrike voorgeskrewe vorms om die beskuldigdes se grondwetlike regte en gevolge van betaling uiteen te sit."
Vonnisbespreking: Die Konstitusionele Hof verskaf sekerheid oor die toepassing van die gemeenskaplikeoogmerk-leerstuk op verkragtingsake
2020-10-14"Dit is onlogies om die leerstuk op misdade soos moord (hoewel baie wyd omskryf), waar ’n dader byvoorbeeld iemand met ’n mes kan steek of verwurg, toe te pas, maar nie op verkragting nie. ’n Mes penetreer tog op ’n soortgelyke wyse die menslike liggaam (al is dit nie op ’n intieme, seksuele wyse nie)."