André Steenkamp
André Steenkamp is ’n senior lektor in die Fakulteit Onderwys aan die Kaapse Skiereilandse Universiteit vir Tegnologie se Mowbray-kampus waar hy Xhosa as derde taal doseer. Hy het ’n PhD in Afrikatale aan die Universiteit Stellenbosch verwerf met ’n verhandeling oor hoe fokus op grammatikale vorm geïnkorporeer kan word in die ontwerp van ’n taakgebaseerde rekenaargesteunde sillabus vir studente wat Xhosa as derde taal verwerf.
Die onderrig van Xhosa op primêre, sekondêre en ook tersiêre vlak lê André baie na aan die hart. Om hierdie rede het hy ’n reeks Xhosa-handboeke vir laerskoolleerders geskryf in samewerking met ander skrywers. Hy glo dat alle studente aan Suid-Afrikaanse universiteite basiese vaardighede in die Afrikataal wat in hul provinsie gepraat word, moet aanleer. Hy is ook die medeskrywer van ’n handboek vir onderwysstudente wat Xhosa as derde taal aanleer.
Sy navorsingsbelangstellings sluit in tweedetaalonderrig, taakgebaseerde taalonderrig en rekenaargesteunde taalonderrig.
The use of information and communication technology (ICT) to enhance reading instruction in English: a case study
2025-11-10"We recognise that the integration of ICT into classrooms is not merely the introduction of new technology, but a complex process involving the alignment of pedagogical strategies with curriculum expectations and technological advancement."
Die gebruik van inligting- en kommunikasietegnologie (IKT) om taalonderrig in Engels te verbeter: ’n gevallestudie
2025-11-10"Ons evalueer die impak van IKT op onderwyserpedagogiek en taalonderrig binne voorgeskrewe raamwerke, insluitend die TPEIK-raamwerk en VVVH-model. Die ondersoek is tersaaklik, aangesien dit die belyning tussen tegnologie, pedagogiek en kurrikulumvereistes in ’n postpandemiese konteks ondersoek."
Taalkommunikasiedosente se persepsies en verwagtinge van e-leerondersteuning om dienslewering te verbeter
2019-02-14"Taalkommunikasiedosente in die universiteit het ’n besondere taak om studente in die taal van onderrig voor te berei vir akademiese kommunikasie oor alle vakgebiede heen. Met LBS-gebruik en effektiewe ondersteuning is dit ’n bereikbare mikpunt."