Litnet

Albert Neitz is op 25 Oktober 1942 in Pretoria gebore. Hy het aan die UP gestudeer en ’n Baccalaureus-graad met Biochemie en Chemie as hoofvakke in 1963 cum laude behaal en in 1967 sy MSc(Agric) in Biochemie, ook cum laude. Sy tesis het oor DNA-transformasies tussen bakteriespesies gehandel. Sy doktorale studie (1976, UP) het die suiwering van speekselkomponente in bosluise behels, met spesiale aandag aan toksiese proteïene van die sandtampan.

Hy het in 1965 by die Veterinêre Navorsingsinstituut te Onderstepoort begin werk. Hierna was hy sedert 1965 eers lektor in Biochemie aan die UP en daarna volle professor tot sy aftrede in 2007. Hy was van 1997 tot 2002 hoof van die Departement Biochemie. Sedert 2008 het hy ’n kontrakaanstelling by die UP.

Sy navorsingspesialiteit in die breë is die biochemie van invertebrate, met spesiale fokus op die proteïene van bosluise en die gebruik daarvan as entstofkandidate teen bosluisvoeding en siektes wat hulle oordra.

Hy is sedert 1997 ’n B3-geëvalueerde navorser. Sy sabbatsverlof het hy in Duitsland deurgebring: by die Max Planck Instituut vir Immunobiologie, Freiburg (12 maande), die Universiteit van Giessen (12 maande) en ’n totaal van 16 maande by die Universiteit van München. Sy navorsing oorsee het verskeie aspekte van die biochemie van bosluise behels, asook die suiwering van bakteriese selwand-antigene.

Albert het 84 artikels in geëvalueerde vaktydskrifte gepubliseer en by 128 nasionale en 39 internasionale kongresse bydraes gelewer. Sedert 1995 was hy leier/medeleier van 56 nagraadse studente en eksterne eksaminator van 48 magister‑ en doktorale studente by 13 ander universiteite. Hy was gemoeid met die organisering van verskeie kongresse, beide binne- en buitelands.

Opgedateer/Updated: 2009-11-05

Bio-inligting verouderd? Stuur 'n e-pos aan bio@litnet.co.za 
Bio-info dated? Send an e-mail to bio@litnet.co.za