Foto: Canva
Herfs in my hart
My wortels bly geanker
maar my blare verkleur
dit is tyd vir ’n nuwe hoofstuk
maak oop die deur
Blare grasgroen het
aan my takke gekleef
ek het hul laat val
die herfstyd moet leef
Dié seisoen bring verandering
vir elke siel
in sommige kleure sien jy ander
en sommige is ’n spieël
Maak wel ’n wyse keuse
oor watter blare gly
anders sal jy dalk teen somer
sonder blare bly
Verskeie takke
sal hulself snoei
beoefen tog geduld
gee die wond kans om te bloei
Dit is die tydperk van nuwe rigting
wat geleentheid bied vir ontvlugting,
verlossing, vernuwing en groei
wees dus versigtig om jouself met onbenullighede te bemoei
Herfs skuil in my hart
dit klop rooi- en oranjewarm
met aardse kleure wat blom, dán tuimel
soos die boom weer verryk en verarm
Kommentaar
Such a beautifully written piece — it captures the quiet strength and transformation of autumn and people going through different seasons in such a heartfelt way. What a beautiful image your poem creates.