Notas, toetse en vraestelle

Hierdie inhoud mag nie verkoop of elders gepubliseer word nie.

Graad 12: Wiskundevraestel 3 en memo, tweede kwartaal

LitNet Notas, toetse en vraestelle 2024-04-23

Καταλαβαίνετε Ελληνικά? Wiskunde hoef nie meer vir jou soos Grieks te voel as jy in graad 12 is en nodig het om vir jou eksamen voor te berei nie. Hierdie oefenvraestel deur Lee-Ann West gaan jou in duidelike Afrikaans met jou trigonometrie help. Klik hier om die vraestel en memorandum gratis in PDF-formaat af te laai.

Graad 12: Wiskundevraestel 2 en memo, tweede kwartaal

LitNet Notas, toetse en vraestelle 2024-04-23

Is jy in graad 12 en wens jy dat ’n "reeks" maar net die Afrikaanse woord was van ’n "series" wat jy stroom? In hierdie oefenvraestel deur Lee-Ann West leer jy hoe om ’n konvergerende meetkundige reeks binne ’n japtrap onder die knie te kry. Klik hier om die vraestel en memorandum gratis af te laai. Nadat jy voorberei het, kan jy met ’n skoon gewete die ander reeks verder gaan vraatkyk!

Graad 7: Wiskundevraestel en memo, tweede kwartaal

LitNet Notas, toetse en vraestelle 2024-04-17

Is jy in graad 7 en wonder jy hoekom die haas so bekommerd na die wortels kyk? Hy het nog nie Wilhelm du Toit se gratis Wiskundevraestel afgelaai nie en die vierkantswortels veroorsaak dus nog vir hom hoofbrekens. Moenie die haas wees nie! Laai die oefenvraestel af en kry die tweede kwartaal se Wiskunde onder die knie.

Graad 6: Wiskundevraestel en memo, tweede kwartaal

LitNet Notas, toetse en vraestelle 2024-04-17

Is jy in graad 6 en sien jy hoe rustig die waterval se waterstrome hier kabbel en vloei? As jy Wilhelm du Toit se gratis Wiskundevraestel en memo hier aflaai, sal jy vloeidiagramme kan oefen – en dit sal jou sommer baie meer rustig en ontspanne oor jou Wiskunde-eksamen laat voel! 

Graad 5: Wiskundevraestel en memo, tweede kwartaal

LitNet Notas, toetse en vraestelle 2024-04-11

Is jy in graad 5 en voel jy so onseker oor jou Wiskundedeelsomme soos wat hierdie twee selfoongesiggies lyk? LitNet kan help! Klik hier om Wilhelm du Toit se gratis oefenvraestel en memorandum af te laai om jou met jou voorbereiding te help. (Die vraestel sal jou kan help met vermenigvuldig- én deelsomme, soos die twee prentjies ook verklap.)  

Graad 4: Wiskundevraestel en memo, tweede kwartaal

LitNet Notas, toetse en vraestelle 2024-04-10

Is jy in graad 4 en voel dit of die Wiskunde jou sommer vanjaar dubbel laat sien? Hierdie gratis oefenvraestel deur Wilhelm du Toit kan jou help met die tweede kwartaal se verdubbelingsomme – en kan help om jou Wiskundepunte weer perdfris en gesond te maak. Klik hier om dit kosteloos in PDF-formaat af te laai.

Graad 12: Wiskundevraestel 1 en memo, tweede kwartaal

LitNet Notas, toetse en vraestelle 2024-04-03

Is jy in graad 12 en wil jy nou al vir die eindeksamen begin voorberei? Laai hierdie splinternuwe, gratis Wiskunde-vraestel deur Lee-Ann Langeveldt af. Daar is ook nog meer Wiskunde-vraestelle op LitNet wat jou kan help. Hoe meer jy opeenvolgend oefen, hoe beter sal jou begrip van algebraïese reekse word. Miskien sal jy gaandeweg ook meer en meer Fibonacci-sekwensies in die natuur gewaar. 

Graad 9: Afrikaans Huistaal-hersieningsvraestel (begrip, taal en opsomming), eerste kwartaal

LitNet Notas, toetse en vraestelle 2024-03-19

Is jy in graad 9 en voel jy soms of jy van jou toets- of eksamenwerk soveel weet soos die man in die maan? Jy hoef nie langer vir die maan te blaf nie. Hierdie gratis oefenvraestel deur Zelda Mans gaan jou na die sterre laat reik. 

Graad 11: Wiskunde-toets 2 en memo, kwartaal 1

LitNet Notas, toetse en vraestelle 2024-03-18

Is jy in graad 11 en lus vir ’n lang wegbreekvakansie? Voordat jy die rit op die reguit spoorlyn aanpak, kan jy eers in hierdie gratis oefenvraestel deur Lee-Anne Langeveldt meer leer oor die kollineariteit van ’n stel punte op ’n enkele reguit lyn. Jou punte sal soos ’n stoomtrein vorentoe snel!

Graad 7: Natuurwetenskappe-vraestel en memo, eerste kwartaal

LitNet Notas, toetse en vraestelle 2024-03-13

Is jy in graad 7 en kan jy nie wag vir die skoolvakansie en meer tyd in die buitelug nie? As jy hierdie gratis oefenvraestel deur Rita Engelbrecht aflaai, kan jy jou verbeel jy is buite in die natuur omdat jy so baie daarvan gaan leer. Boonop gaan jou ouers so tevrede wees met jou punte dat julle lekker vakansie sal kan hou!

Graad 11: Wiskunde-toets en memo, kwartaal 1

LitNet Notas, toetse en vraestelle 2024-03-13

Is jy in graad 11 en vergelyk jy jou te veel met jou klasmaats se lewens op die sosiale media? Oefen eerder jou Wiskunde-vergelykings met hierdie gratis oefenvraestel deur Lee-Ann Langeveldt. Laai dit hier af. Binnekort gaan jou klasmaats jaloers wees op jou goeie punte!

Graad 10: Wiskunde-toets 2 en memo, eerste kwartaal

LitNet Notas, toetse en vraestelle 2024-03-12

Gee eksponente, getalpatrone en vergelykings jou slapelose nagte? Hierdie gratis oefenvraestel deur Lee-Ann Langeveldt kan jou help. Klik hier om die vraestel af te laai en jou werk te oefen. Vanaand kan jy ’n bietjie suiker in jou tee oplos en met Wiskunde-oplossings in jou kop gaan slaap. Jou ouers sal bly wees oor die kopseer van jou rapportpunte opgelos is!

Graad 7: Afrikaans Huistaal-vraestel en memo, eerste kwartaal

LitNet Notas, toetse en vraestelle 2024-03-06

Is jy vanjaar in graad 7 en kan jy voel hoe die seisoene begin verander? Dis herfs en die wind waai jou amper hoërskool toe. In hierdie gratis oefenvraestel deur Eugene van der Westhuizen is daar ook ’n leesstuk waar jy oor die wind kan lees. Moenie toelaat dat die toetsreeks die wind uit jou seile neem nie; laai die vraestel gratis hier af en dit sal voor die wind met jou punte gaan!

Graad 9: Wiskundevraestel en memorandum, kwartaal 1

LitNet Notas, toetse en vraestelle 2024-03-04

Is jy in graad 9 en sit jy al heeldag en dink aan die renjaers wat hierdie naweek resies gejaag het? Dan het LitNet goeie nuus. Hier is n voorbeeldsom in hierdie gratis Wiskundevraestel deur Lee-Ann Langeveldt wat op motorwedrenne van toepassing is. Jou rapportpunte sal eerste plek behaal hierdie kwartaal!

Graad 10: Wiskunde-toets en memo, eerste kwartaal

LitNet Notas, toetse en vraestelle 2024-02-29

Voel jy ongedefinieerd, rasionaal of gelyk aan nul? Nee wat, dis net ’n Wiskunde-vraestel waaruit jy voorlees. Klik hier om die gratis oefenvraestel deur Lee-Ann Langeveld af te laai en leer hoe om al daardie somme se antwoorde uit te werk. Jy sal tien uit tien vir hierdie kwartaal se Wiskunde kry, graad 10-leerder!

Graad 7: Wiskunde-werkopdrag 2 en memo, kwartaal 1

LitNet Notas, toetse en vraestelle 2024-02-19

Is jy in graad 7 en besorg breuke jou hoofbrekens? Hier is ’n gratis werkopdrag en memo deur Wilhelm du Toit waaraan jy kan smul. Kort voor lank sal jy sien: die wêreld wemel van breuke – en Wiskunde raak so lekker soos om ’n snytjie uit die tert te sny en sommer elke som te verorber. 

Graad 8: Wiskundevraestel en memorandum, kwartaal 1

LitNet Notas, toetse en vraestelle 2024-02-12

As jy vanjaar in graad 8 is, is jy besig om hoër en hoër deur jou skoolloopbaan te vorder. In hierdie gratis oefenvraestel deur Lee-Ann Langeveldt moet jy juis in die eerste vraag getalle in stygende orde rangskik. Klik hier om die vraestel af te laai. Laat jou ouers solank opkyk om te sien hoe jou wiskundepunte hierdie kwartaal so hoog soos ’n lugballon die lug in klim.

Graad 7: Wiskunde-werkopdrag 1 en memo, kwartaal 1

LitNet Notas, toetse en vraestelle 2024-02-06

As jy in graad 7 is, weet jy teen hierdie tyd dat die getal 7 ’n priem- en ’n onewe getal is. As jy nog meer van al die res van die natuurlike (en telgetalle) wil leer, kan jy Wilhelm du Toit se vraestel en memorandum gratis hier aflaai en voorberei vir jou eerste kwartaal se toets.

Graad 6: Wiskunde-werkopdrag 1 en memo, kwartaal 1

LitNet Notas, toetse en vraestelle 2024-01-30

Is jy in graad 6? Teen hierdie tyd weet jy al waar jou plek in die klas is, en as julle skool reeds kleuresport-atletiekbyeenkoms gehou het, weet jy op watter plek jou span op die pawiljoen gesit het. As jy hierdie gratis Wiskunde-oefenvraestel deur Wilhelm du Toit aflaai, sal jy waarde en plekwaarde kan hersien. Jou punte sal sommer na ’n hoër posisie en ’n beter plek toe skuif!

Graad 5: Wiskunde-werkopdrag 1 en memo, eerste kwartaal

LitNet Notas, toetse en vraestelle 2024-01-22

Vat vyf, graad 5-leerder! Jy’s op die regte plek om jou Wiskundepunte te verbeter. Laai hierdie gratis oefenvraestel deur Wilhelm du Toit af en kry jou Wiskunde sommer reg van die begin van die jaar af onder die knie. 

Top