US Woordfees 2016: Philida van die Delta

  • 0

Philida van die Delta is gemeenskapsteater, maar min sou dit sê as hulle daar was. Die deelnemers, die orkes en die skrywers is meestal plaaswerkers in diens van Solms-Delta wynlandgoed. Enige persoon wat al die Delta Soetstemme en die Delta Langbroek-orkes beleef het, sal weet hulle is puik.

philida_cornelisbrink

Vir hierdie vertoning is enkele professionele mense se hulp ingeroep, maar dit was oorwegend amateurs op die verhoog. Daar was ook deelnemers van Babylonstoren en die Breytenbach Sentrum.

philida_adriaanspring

Die produksie is moontlik gemaak deur die ATKV in samewerking met Solms-Delta, Babylonstoren en die Breytenbach Sentrum.

Philida, die slavin van wie André P Brink geskryf het, was ’n breislaaf op De Delta, wat in daardie tyd aan die Brink-familie behoort het.

philida_ouma

Die stuk is aangebied as hedendaags, met terugflitse. Dit was metateater oor die wynbedryf. Die program sê dit is ’n “musiekblyspel vol liefde, hartseer, korrupsie, onderdrukking en bemagtiging.” Beter kan ek nie.

philida_dievertellers

Frans, die seun van die boer Cornelis Brink, gaan “lê” by Philida en kry drie kinders by haar. Hy beloof haar dat hy haar sal vrykoop wanneer hy "baas" word, maar sy pa, Cornelis, is in ’n finansiële verknorsing en wil Philida en die kinders verkoop.

philida_frans

Philida word verkoop, beland in Worcester en leer uiteindelik lees en skryf.

philida_maria

philida_jongslavin

Dit was puik teater, en ’n baie groot rede vir die sukses kan toegeskryf word aan Adriaan Brand, toenmalige trompetseler van die Spingbok Nude Girls, wat tans die musiekdirekteur van Solms-Delta is. Sy energie, sy passie en sy vermoë om mense te laat deel in sy passie, was aansteeklik.

philida_leer_lees

 

Samestelling: Adriaan Brand, Nick Turner, Leonore Bredekamp, Jervis Pennington en die Delta Soetstemme

Musikale verwerking: Adriaan Brand, Carlo Fabe en die Delta Langbroek-orkes

Regie: Bongile Mantsai

Spelleier: Amelda Brand

Teksontwikkeling: Ameld Brand, Sanna Malgas, Elsie Cupido, Linda Farmer, Sarie Pietersen en Gershwin Cloete

Met: Camelia Florence, Delta Soetstemme, Delta Langbroek-orkes en lede van die Babylonstoren en die Breytenbach Sentrum

  • 0

Reageer

Jou e-posadres sal nie gepubliseer word nie. Kommentaar is onderhewig aan moderering.


 

Top