Twee splinternuwe rieldanskampioene gekroon

  • 0
Oorwinningsdans deur die Betjies Rooirots

Oorwinningsdans deur die Betjies Rooirots

Dit was die rieldansers van Clanwilliam, die Betjies van Betjiesfontein in die junior afdeling en die Betjies Rooirots in die senior afdeling, wat met hul vernuftige voetwerk in die stof koning gekraai het tydens die ATKV-Rieldansfinaal van 2016.

Die Senior ATKV-Rieldanskampioene: Die Betjies Rooirots

Die Senior ATKV-Rieldanskampioene: Die Betjies Rooirots

Die Junior ATKV-Rieldanskampioene: Die Betjies van Betjiesfontein

Die Junior ATKV-Rieldanskampioene: Die Betjies van Betjiesfontein

Die 11de jaarlikse ATKV-Rieldansfinaal het op 3 Desember in die Paarl plaasgevind.

16-12-03-riel-10552

Soos gewoonlik het die stof gestaan.

16-12-03-riel-20709

Daar is getrap.

16-12-03-riel-30867

Daar is gevlieg.

16-12-03-riel-10590

Daar is uitgedaag.

16-12-03-riel-10688

Daar is nog stof gemaak.

16-12-03-riel-20299

Daar is vrede gemaak.

16-12-03-riel-10713

Die riel is ’n baie ou dansvorm wat ’n oorsprong het in die danse van Khoi en die San. Later het dit onder plaaswerkers, veral in die droë Noordwestelike dele van ons land, ’n bekende dansvorm geword.

16-12-03-riel-20337

Die riel het van die 1930’s tot die vroeë 1960’s hoogty op plase, veral onder skaapskeerders, gevier. Daarna het die gewildheid begin taan.

16-12-03-riel-20149

Die skrywer en storieverteller Elias P Nel het die ATKV gevra om die riel te red. Hy het geld ontvang daarvoor en het tien jaar gelede as ATKV-projekorganiseerder die rieldans as kultuurgoed begin bevorder. In 2006 het hy ʼn rieldanskompetisie gereël waaraan sewe groepe en 105 individue deelgeneem het. In 2015 was daar 82 groepe en 1 230 deelnemers. Dit is egter nie al nie. In 2015 het ’n groep rieldansers Los Angeles verower en as wêreldkampioene na Suid-Afrika teruggekeer. LitNet het destyds daaroor berig – klik hier. Vir hierdie werk is Elias P Nel, wat nou afgetree het, Saterdagaand deur die ATKV vereer. Japie Gouws, die uitvoerende bestuurder van die ATKV-Groep, het die huldiging oorhandig.

16-12-03-riel-20159

Elias sê grappenderwys dat die rieldans toentertyd spesiaal vir mense met slap knieë, lang asems en ’n klomp speelsheid in die gene geskep is. Hy het Saterdagaand gewys hy het steeds daardie gene.

16-12-03-riel-20169

Japie Gouws het nie op hom laat wag nie en in die gees van die riel het hy nie ’n uitdaging om te dans laat verbygaan nie.

l16-12-03-riel-20128

Benjamin Bock het by Elias oorgeneem as die rieldansorganiseerder.

l16-12-03-riel-20137

Amore Bekker, die aanbieder van Tjailatyd op RSG, was die mede-aankondiger. Sy het vir Benjamin, én die skare, laat skater met haar kwinkslae. Hier sê sy: "My skarniere is geolie, my boud hang hoog en my askoek is gaar."

16-12-03-riel-10737

Die riel het veral te make met die hofmakery tussen man en vrou, en om dit uit te beeld word diere en voëls nageboots, soos byvoorbeeld in die skoenlapperdans en die vlerksleep van ʼn haan, volstruismannetjie of kalkoen.

16-12-03-riel-10481

Soos met enige dansvorm is daar konvensies en die spanne word daaraan gemeet. Gewoonlik bestaan ’n rielgroep uit vier mans en vier vroue, soos die Calvinia Sitstappers wat hier volgens een van die konvensies dans.

16-12-03-riel-20619

Die Brandvlei Stofskoppers het egter Saterdagaand verras deur sewe mans en een meisie op die baan te plaas. Hulle storie was dan ook “Die Hennetjie en die Haantjies”. Hierdie Hennetjie is behoorlik die hof gemaak!

16-12-03-riel-20294

Die riel is tradisioneel ook ’n storiedans. Dit kom uit die dae van die jagters wat hulle gesinslede vermaak het met uitbeeldings van hulle jagtogte.

16-12-03-riel-20489

Vandag word ander stories vertel. Die jongste spannetjie, die Griekwa Hiënas, het byvoorbeeld die storie van vigs vertel.

16-12-03-riel-20356

Die rieldanskompetisie het plaasgevind onder die wakende granietsuile van die Taalmonument aan die hange van die Paarlberg.

16-12-03-riel-29875

Die amfiteater was gepak.

l16-12-03-riel-20033

Heelwat bekende mense was in die gehoor. Hier is Danie van Wyk en LitNet se rubriekskrywer, Jason Lloyd.

16-12-03-riel-10537

Ander bekendes was die twee kokke van Bonteheuwel, ant Koelsoem Kamalie en ant Flori Schrikker, die skrywers van Kook saam Kaaps, uitgegee deur LAPA Uitgewers. Hulle is ontsettend gewild en talle mense het kom hallo sê en selfies neem. Die twee vroue werk geweldig hard, maar het altyd tyd vir ’n geselsie. Ook vir hulle medemens. Vrydagaand is die persfotograwe behoorlik getrakteer op pasteitjies, samoesas en pannekoeke uit dié twee se kombuise. Daar was ’n mooi oomblik toe Benjamin Bock die twee raakgesien het en hulle toe vra om op te staan. Onder luide toejuiging van die gehoor het hulle aan sy versoek gehoor gegee. Een van die mense wat die hardste geklap het, was Sunette Viljoen, Suid-Afrika se spiesgooikampioen en silwermedaljewenner in Rio (regs op die foto), wat die twee vroue onlangs tydens ’n boektoer ontmoet het.

16-12-03-riel-29896

Die riel is inderdaad vir almal.

16-12-03-riel-30906

Die spanne kan skitter.

16-12-03-riel-20654

So ook die individu.

16-12-03-riel-20647

Voorheen onbekende mense maak hulle buiging op die nasionale verhoog tydens hierdie jaarlikse finale.

16-12-03-riel-20301

Hiermee die volledige uitslae van Saterdagaand se kompetisie

Individuele pryse

Me Rieldanspersoonlikheid – seniors vir 2016: Bernadine Fortuin van Betjies Rooirots

Mnr Rieldanspersoonlikheid – seniors vir 2016: Angelo Hugo van Boesmanland Bitterbessies

Me Rieldanspersoonlikheid – juniors vir 2016: Lee-Ann van Wyk van Betjies van Betjiesfontein

Mnr Rieldanspersoonlikheid – juniors vir 2016: Jason Roberts van Calvinia Sitstappers

Beste danser – vroue in die senior afdeling: Anechia Cloete van Griekwa Ratelgat

Beste danser – mans in die senior afdeling: Abraham Willemse van Betjies Rooirots

Beste danser – vroue in die junior afdeling: Luwandri Schrader van Brandvlei Stofskoppers

Beste danser – mans in die junior afdeling: Cheslan Claaste van Betjies van Betjiesfontein

Grietjie van Garies-trofee vir die beste vordering – senior afdeling: Kammiesberg

Grietjie van Garies-trofee vir die beste vordering – junior afdeling: Net vir Pret 2

Pieter van der Westhuizen-trofee vir beste Rielkitaarknyper en opteller: Marvin Hanse van Calvinia Sitstappers

Mees dinamiese leier – junior afdeling: Peter Takelo van Net vir Pret 2

Mees dinamiese leier – senior afdeling: Elsabe Cloete van Griekwa Ratelgat

Trofee vir beste Rieldansliedjie: Gertruida Lombard van Boesmanland Bitterbessies

Trofee vir beste Rieldans-musikant: Alfred Basson van Betjies van Betjiesfontein

Spanpryse

Derde plek: Rieldansgroep – seniors: Kammiesberg

Tweede plek: Rieldansgroep – seniors: Calvinia Sitstappers

Senior Rieldanskampioene – Betjies Rooirots

Derde plek: Rieldansgroep – juniors: Net vir Pret 2

Tweede plek: Rieldansgroep – juniors: Calvinia Sitstappers 2

Junior Rieldanskampioene – Betjies van Betjiesfontein.

16-12-03-riel-10705

16-12-03-riel-20710

16-12-03-riel-20451

16-12-03-riel-10635

Fotografie: Izak de Vries

  • 0

Reageer

Jou e-posadres sal nie gepubliseer word nie. Kommentaar is onderhewig aan moderering.


 

Top