Pos beskikbaar by LitNet: Assistent-inhoudsbestuurder

  • 0

LitNet en LitNet Akademies benodig ’n geesdriftige, verantwoordelike assistentinhoudsbestuurder om saam aan ons webwerf te bou. Ons soek ’n energieke spanspeler met ’n fyn oog vir besonderhede en ontwerp.

Verantwoordelikhede

  • Werf en bestuur van inhoud
  • Daaglikse bywerking van inhoud – insluitend die ontwerp en laai van nuwe artikels en bywerking van bestaande webblaaie
  • Basiese ontwerp en laai van grafika
  • Administratiewe take
  • Enige ander LitNet- of LitNet Akademies-take
  • Hulp met sosiale netwerke, bv Facebook, Twitter, Pinterest, ens.

Persoonlike eienskappe

  • Volledig tweetalig (Afrikaans en Engels), met ’n skerp oog vir spel- en taalfoute
  • Vermoë om binne ’n kreatiewe omgewing vinnig te leer en stylriglyne te volg
  • Vermoë om vinnig en akkuraat onder druk te werk
  • Goeie kommunikasievaardighede
  • Vriendelike, oop kollegialiteit
  • Betroubaar en trots op eie werk
  • Goeie tydsbestuur en die vermoë om te prioritiseer
  • Die vermoë om gefokus binne ’n kantooromgewing te werk en daaglikse take noukeurig af te handel
  • Die bereidwilligheid tot daaglikse roetinewerk
  • ’n Sintuig vir aktuele debatte
  • Tuis op en geesdriftig oor die potensiaal van sosiale netwerke.

Voordelig

  • Vaardigheid in HTML (Adobe Dreamweaver)
  • Vaardigheid in grafiese ontwerp (Adobe Photoshop)
  • Kennis van LitNet en ’n belangstelling in LitNet- en LitNet Akademies-inhoud
  • Belangstelling in grafiese ontwerp en goeie kennis van die internet
  • Kennis van en passie vir Suid-Afrikaanse boeke, musiek, kuns en kultuur
  • Geesdrif oor tegnologiese vernuwing en sosiale media
  • Kreatiwiteit.

Posbeskrywing

  • Tipe aanstelling: Kontrak (12 maande)
  • Vergoeding: Onderhandelbaar
  • Plek: Die LitNet-kantoor in Stellenbosch se historiese kern.

Aansoek 

Motiveer jou aansoek deeglik in Afrikaans. Sluit getuigskrifte en voorbeelde van jou werk in, of verstrek kontaknommers van persone wat jou werk ken en jou waardeer. Heg ’n volledige Afrikaanse curriculum vitae aan jou aansoek. 

Stuur jou aansoek aan beide profetiennevh@gmail.com en naomibruwer@litnet.co.za.
Sluitingsdatum: 30 Junie 2016

  • 0

Reageer

Jou e-posadres sal nie gepubliseer word nie. Kommentaar is onderhewig aan moderering.


 

Top