PG du Plessis: Die Suid-Afrikaanse Akademie vir Wetenskap en Kuns bring hulde

  • 0

Met die oorlye van PG du Plessis het Afrikaans een van sy belangrikste skrywers verloor, het Dionē Prinsloo, uitvoerende hoof van die SA Akademie vir Wetenskap en Kuns gesê.

PG, soos hy alom by sy vriende en kollegas bekend was, is 'n bekroonde skrywer van die SA Akademie. Hy het onder meer in 1972 die Hertzogprys ontvang vir sy dramas, Siener in die suburbs en Die nag van Legio. In 1978 en 1980 het hy ook die Akademie se Erepenning vir Afrikaanse Televisiedramas ontvang.

Hy het groot bekendheid verwerf met sy drama Siener in die Suburbs en die gewilde TV-reeks Koöperasiestories. Die skrywer was op hoogte van 'n publikasie oor sy werk wat nou onder redaksie van Heilna du Plooy van die Noordwes-Universiteit saam met 'n aantal literatore op versoek van die Akademie beplan word. Met die oog hierop het Du Plooy 'n ruk gelede 'n gesprek met die skrywer by sy huis opgeneem. 'n Transkripsie van die gesprek sal nou deel word van die beplande publikasie, het Prinsloo gesê.

  • 0

Reageer

Jou e-posadres sal nie gepubliseer word nie. Kommentaar is onderhewig aan moderering.


 

Top