Onderhoud met Walkie Talkie oor "United for Bafana (with LT)"

  • 0
"Infamous (read un-famous) ZA spoken word groep Walkie Talkie het vandag 'n nuwe snit vrygestel, in samewerking met Pretoriaanse electro musikant LT, wat hier gratis aflaaibaar is: https://walkietalkie3.bandcamp.com/track/united-for-bafana-with-lt."

 

Maar wie is Walkie Talkie?

hemelbesem250
Hemelbesem

Toast Coetzer is the frontman of spoken word band The Buckfever Underground. He works as a travel writer and photographer at Weg/Go, and is also involved in radio as co-host of The Unhappy Hour on Cape Town-based Bush Radio 89.5 FM. Other side projects include the band Simply Dead, and he’s also co-editor of the alternative culture zine Ons Klyntji.

Jaco van der Merwe het verskeie musiek- en skryfprojekte oor die laaste 17 jaar aangepak, party seker meer noemenswaardig as ander. Om deel te wees van Bittereinder en Walkie Talkie is tans vir hom diep bevredigend. Hy het in 2014 ‘n geïllustreerde digbundel To form trees when they are young saam met Gerhard van Wyk vrygestel en in 2015 Wêreld Records geformuleer.

HemelBesem is 'n Afrikaansvatter, hip-hopper, woordkunstenaar ens met ‘n kroes-goatee en ‘n bleskop. Somtyds op jou TV, soms in jou CD-speler, soms in jou koerant, soms oor jou radio, maar meestal in jou kop ... soos ‘n “doef” in die nag ...

henrycloete250
Henry Cloete

Hunter Kennedy is deurmekaar en skryf elke nou en dan goed neer. Hy wil eintlik net op 'n hangmat lê, maar speel gereeld in bands en stuff.

Henry Cloete het nou die dag 'n storieboek – Draalnoot vir 'n janfiskaal (Queillerie, 2014) – gemaak. Hy het al onder 'n paar vaandels musiek en gepaardgaande woorde gepleeg – mees onlangs Die Skynmaagde, Henry & The Wolf (saam met Riku Lätti), en nou, met groot trots, Walkie Talkie. Hy werk ook in en aan mediadinge. 

Mouth/Of/Wolf is a sound/visual artist focused on subjects including existentialism and social justice. During the past decade he has fronted stoner/hardcore/electronica/folk projects in Cape Town, London, Hanoi and Beijing. He remains at large. 

jacovandermerwe250
Jaco van der Merwe

Naomi Meyer het per tweerigtingradio kontak probeer maak.

Is hierdie tweerigtingradio-lied ene waarop julle graag reaksie wil hê, en wie sou julle wil hê moet reageer? Zuma, die pous, Charlize Theron, of iemand anders?

Hemelbesem: Mense reageer op alle musiek en skrywes op verskillende maniere, so dis basies 'n "given" dat daar wel gereageer gaan word. Dis hoekom mens kuns doen in essensie, seker. Heyneke Meyer moet reageer ... want hy is lekker animated as hy oor sy walkie talkie praat haha.

Jaco van der Merwe: Dis darem sesrigting op die oomblik. Ons chat maar met mekaar en elke nou en dan met iemand wat per ongeluk op die verkeerde frequency is. Soos nou – welkom Naomi. Meer ernstige antwoord: om dinge in spoken word te omskep gee luisteraars 'n kans om gebeurtenisse en idees in 'n nuwe konteks te oorweeg, en ek dink in al ses van ons se ander projekte is ons altyd bewus dat ons maar net stemme in 'n baie groter dialoog is.

Henry Cloete: Aan die een kant pleeg mens nie kuns (wat dit ook al mag wees) om reaksie te bekook nie, maar aan die ander kant wil jy ook nie hê jy moet daardie alleensamige mimiekkunstenaar wees op wie die boom in die woud val nie (met apologie aan Gary Larson). Persoonlik sal ek graag wil hoor wat Rodney Seale en Gretha Wiid dink ... nee OK ernstig, dit sal nogal 'n ideale mindfuck wees om die lied te bespreek met van die mense – lewend of afgestorwe – wat in die lirieke genoem word ... Thuli Madonsela, Cecil Rhodes, Emmanuel Sithole ...

Mouth/Of/Wolf: In my opinie is n kollektiewe gewaarwording van meer belang. Een wat lyne vergruisel. Wat ons bewus maak dat die boot waarin ons reis, dieselfde is. Al roei ons telkens in verskillende rigtings. Verder, wat ons laat optree. In ons eie gemeenskappe. Vir mekaar. 

walkietalkie15.1Waarom het julle hierdie lied geskryf en skryf julle nog (saam)?

Hemelbesem: Ons pak randomly projekte saam aan en hierdie was een van dit. En ja, ons het dit gedoen omdat dit seker belangrik is om gereeldelik uiting te gee aan vrae of gevoelens, veral wat ons as Suid Afrikaners betref.

Jaco van der Merwe: Die plan is inderdaad om nog baie tracks saam te doen, en ons current hit rate van 1,5 liedjies per jaar bietjie op te stoot. Ek kan nou nie vir almal praat nie, maar om te skryf en te rap en dit uit te saai het nou maar min of meer geword wat ek doen, dis die werk van my hande. Hierdie lied spesifiek is vir my 'n beduidende samekoms van ses stemme wat saam klets oor iets wat vir hulle almal belangrik is, dis 'n merker en 'n vraagteken. Dalk sal ons elke jaar so 'n "stand van die nasie" track aanmekaar sit ... kan cool wees ...

Henry Cloete: Ek self is onlangs eers gedoop in die kultus van Walkie Talkie, so in hierdie stadium kan ek net hoop ons gaan nog sulke goed doen. Almal van ons het (heelwat) ander projekte, maar niks heeltemal soos dié nie. Dit was nogal 'n adrenalienervaring om te hoor wat al die ander ouens met die "opdrag" gedoen het.

Mouth/Of/Wolf: Die idee is om oor tyd ‘n soliede liggaam van werk saam te stel. 

Hoe het die lied ontstaan (jou gedeelte daarvan)?

Hemelbesem: Ek’t probeer om binne konteks anders oor te kom as die konvensionele styl. Ek probeer altyd die kultuur van rymklets op een of ander manier in te bring en ek dink ek het dit weer hier reggekry sonder om afbreuk te maak aan die projek in geheel. Ek deel ook alte graag wat in my hart is en op daai oomblik toe ek skryf was dit die gevoelens en vrae wat daar was.

Jaco van der Merwe: Omdat Walkie Talkie so min liedjies in 'n jaar doen het hierdie een amper soos 'n "stand van die nasie vir 2015" geword – ons het gesamentlik van die grootste en kakste gebeurtenisse van die jaar aangepak.

Henry Cloete: As ek reg onthou het die spertyd al verby gewhoosh (of dit was naby daaraan). By Fireman's Arms het ek die draft gekrap oor 'n whiskey of twee terwyl ek gewag het vir die wederhelf ... 'n Groot deel van my daaglikse werk behels betrokkenheid by nuus en aktualiteit, so dit was nie te moeilik om 'n soort bewussynsparalise te verbeel wat betref die ooraanbod van stommighede en afgryslikhede nie.

Mouth/Of/Wolf: As bloot ‘n persoonlike reaksie op huidige gebeurtenisse. So objektief as moontlik. En uit meer as een oog gesien. 

walkietalkie15.2

Gaan julle nog sulke projekte aanpak (is “projek” die regte woord)?

Hemelbesem: Altyd.

Jaco van der Merwe: Jip. Behalwe vir Walkie Talkie se toekomstige planne is ons ander projekte – HemelBesem, Buckfever Underground, Mouth/Of/Wolf, Die Skynmaagde, Henry and the Wolf, Bittereinder en Die Heuwels Fantasties – eintlik altyd besig met "sulke projekte": lirieke en musiek wat uitdagend betrokke is met die Suid-Afrikaanse samelewing. Ons is tans ook besig met 'n reeks visual poems in samewerking met Open Window Film Arts wat by Woordfees gaan wys in 2016.

Henry Cloete: Allerbeslis.

Mouth/Of/Wolf: Game on. 

Foto's: https://walkietalkie3.bandcamp.com/

 

  • 0

Reageer

Jou e-posadres sal nie gepubliseer word nie. Kommentaar is onderhewig aan moderering.


 

Top