Nuwe stemme 6 – 6 vrae vir Marthé McLoud

  • 0

Nuwe stemme 6 het pas by Tafelberg verskyn. Bibi Slippers en Charl-Pierre Naudé is die samestellers van dié bundel, ’n versameling van die beste verse van Afrikaans se opkomende digters.

Liné Enslin gesels met die gepubliseerde digters. Lees hier die ander onderhoude.


 

Marthé McLoud

 

1. Beskryf jouself in ses woorde.

Humoristies
Melancholies
Kreatief
Hiperaktief
’n Realis
Sentimenteel.

2. Noem ses dinge waarsonder jy nie kan leef nie.

Pen en papier
Boeke
Stilte
Vakansies (reis)
Koffie
Me-time.

3. Wat is die vreemdste plek of medium waarop of waarmee jy al ooit ’n gedig geskryf het?

Op ’n olifant se rug in Kambodja.

4. Hoe lyk jou werkruimte?

5. Wie is jou gunstelingskrywer of -digter?

Leonard Nolens, ’n Vlaamse digter. Ek het met sy gedigte kennis gemaak deur die vertaling daarvan in Afrikaans deur Daniel Hugo. Nolens maak gebruik van wonderlike beelde en het dikwels ’n aweregse blik op die ruimte waarbinne hy beweeg. Sy gedigte is kort en toeganklik, maar met diepte. Dit bly jou lank by.

6. Vertel asseblief bietjie meer omtrent een van jou gedigte wat in Nuwe stemme 6 opgeneem is.

Ek is altyd bly as ’n gedig ook universeel gelees word, want dan toon dit dat jy daarin geslaag het om iets te sê. In “Terugblik” kan die spreker ook as die moederfiguur gesien word. Die persoonlike storie agter die gedig spruit egter uit skuldgevoelens oor ’n verhouding wat op skool van my kant af beëindig is. As ’n mens as volwassene na die gebeure terugkyk, sien jy baie emosie raak. Die persoon aan wie ek die gedig rig, het ’n paar maande voordat ek die verhouding beëindig het, sy beste vriend in ’n motorfietsongeluk verloor en met die beëindiging van die verhouding het ek hom aan ’n verdere verlies blootgestel, wat hy moeilik verwerk het. Die gedig is ’n poging om na al die jare sin uit die gebeure te maak.

Luister hier na ’n opname waarin Marthé haar gedig "Biologieklas" voorlees.

  • 0

Reageer

Jou e-posadres sal nie gepubliseer word nie. Kommentaar is onderhewig aan moderering.


 

Top