Koue voete in warm beesmis

Daarvan het ek al baie keer gehoor en dit is wyd bekend.

Selfs dominee Solly Ozrovech het daarvan vertel in 'n artikel wat op 5 Julie 1995 in Sarie verskyn het.

Hy het in die depressiejare in 'n weeshuis op Ugie groot geword en vertel hoe bitter koud dit daar was, met hulle dun, verslete klere as hulle soggens skool toe stap in die winter. Dan het hulle agter die koeie aangeloop as die dorpbewoners hulle soggens weer terugjaag na die dorpsmeent, en in die mis getrap. By die skool moes hulle dan weer hul voete afspoel in koue kraanwater. Gelukkig was daar stofies in elke klaskamer.

Groete,

Varkspek

Kommentaar

  • Varkspek

     
    As jong seun het ek dikwels so gemaak as ons moet koeie melk op 'n koue oggend in die verre Wes-Transvaal.  'n Ander gewoonte wat ek en my broers gehad het, was om, wanneer ons die laaste draai in die aand geloop het,  die beeste wat lê, op te jaag en op die warm grond waar hulle gelê het ons laaste ding te doen voor ons gaan slaap.  In daardie jare was binne-toilette 'n seldsaamheid wat ons nie geken het nie.
     
    Enjee
  • Reageer

    Jou e-posadres sal nie gepubliseer word nie. Kommentaar is onderhewig aan moderering.


     

    Top