Knysna-brande

  • 1

Knysna-brande

Vir Moses was God
in die braambos
in die vuurkolom
in die vlammerook op die berg

Saam met Daniël se vriende
was hy binne-in
In Negester oor Nineve
vuur ín die vuur

“Saul,” het Samuel gesê
“vir brandoffers voel God ’n veer”

in Jesaja se towerwoud
nie genoeg wild of
hout
vir ’n offer tot Sy eer

Opperman vertel van die vlakvoël
op haar eiers swart verkool gevind
Elia het God nie in die vuur ervaar
maar in die windstilte daarna

  • 1

Kommentaar

  • Reageer

    Jou e-posadres sal nie gepubliseer word nie. Kommentaar is onderhewig aan moderering.


     

    Top