kakkerlakke, vismotte, vlooie, krieke, miere, termiete ...

Hi,

Al bg en nogwat kan effektief aangespreek word deur boorsuur [poeier] [boric acid] dun te strooi waar hulle voorkom. Die boorsuur vernietig enige gogga met ‘n eksoskeleton se maagwande, so vrek hulle dan. Die insekte loop oor die boorsuur, maak hulself dan skoon [dis hoekom sommige dink ‘n kakkerlak is kastig so skoon…] en kry dit so in hulle lywe. Boorsuur is omtrent so giftig soos tafelsout en jy sal dit in meeste apteke, supermarkte en van omtrent alle chemiese verskaffers kry. Dit werk solank as wat dit daar le en die diere daarmee in kontak kom; so kan jy honderde rand spaar, ekovriendelik wees en dit self doen!

gabriël g smit

Kommentaar

  • Gabriël: Ek het nie juis probleme met kakkerlakke nie (behalwe dié in die parlement, en hulle is blykbaar immuun teen boorsuur), maar elke somer word my kombuis binnegeval deur sulke klein swart miertjies wat op die ou end selfs in verseëlde houers en in die yskas inklim (geen mens weet hoe hulle dit regkry nie!). 

     
    So dankie vir die wenk: ek sal hom uitprobeer en kyk of hy werk. 
  • hallo julle,
    my briefie van 14 desember hierbo het verwysing, die een oor boorsuur en kakkerlakke.
    vir meer inligting gaan loer gerus op kakkerlakke.co.za
    in Christus
    gabriel

  • Reageer

    Jou e-posadres sal nie gepubliseer word nie. Kommentaar is onderhewig aan moderering.