Huis, woning, tuiste: Op soek

Op soek

Die slimmes spekuleer ons is spoke,
beendere beklee met vleis, op reis deur ruimte.

Maar dié is nié my huis …

Hierdie planeet is afskuwelik siek,
bedek met die duiwel se parasiet.
In die agtergrond speel grunge katslag-musiek
en die mensdom is sy eie selfvernietigende masjien.

Ek is ’n uitlander hier.
’n Swerwer op soek na ’n ander dimensie,
een waar haat en kwaad nie aan my siel kan grens nie.
Waar ek kan laat gaan van gebalde vuiste,

Ek soek en ek smag na my tuiste …

Totius het gesê: “Die wêreld is ons woning nie.”
En die Prediker bespiegel dat alles kom tog tot niet
en ek vra myself: “Wat doen ek dan hier?”


 

Klik hier vir volledige inligting oor die kompetisie.
Klik hier om ander inskrywings te lees.

huis1_650

Reageer

Jou e-posadres sal nie gepubliseer word nie. Kommentaar is onderhewig aan moderering.


 

Top