Susina Jooste en Henk Stander is die skrywers van Die Suid-Afrikaanse vis- en seekoskookboek wat pas by LAPA-Uitgewers gepubliseer is. Susina en Henk het Woensdagaand die boek by The Private Hotel School bekendgestel, met die hulp van studente wat van die disse gedemonstreer het. Naomi Bruwer was een van die gelukkige gaste.
Skemerkelkies
Nosipho Dlamini staan gereed met die vonkelwyn.
The Private Hotel School is net buite Stellenbosch geleë.
Viskoekies vir voorgereg
Susina Jooste is die direkteur: akademiese ontwikkeling by The Private Hotel School. Sy het huishoudkunde aan die Universiteit Stellenbosch studeer en ook 'n meestersgraad in kurrikulumstudies voltooi. Haar passie vir die kookkuns het gelei tot kwalifikasies van The Culinary Institute of America in New York, Le Cordon Bleu in Parys en City and Guilds of London.
Henk Stander is die algemene hoofbestuurder van die Afdeling Akwakultuur in die US Departement Veekundige Wetenskappe, en is reeds die afgelope 20 jaar betrokke by etlike akwakultuur- en akwaponikaprojekte, waar daar onder meer met visspesies soos forel en tilapia geboer word.
Henk Stander het 'n interessante oorsig oor akwakultuur in Suid-Afrika gegee. Die wêreldwye produksie, in tonnemaat, het reeds in 2012 dié van beesvleis verby gesteek.
Erika Theron, die akademiese bestuurder van The Private Hotel School
Elni le Roux, die geleentheidskoördineerder van The Private Hotel School
In die kombuis
Fritz Brand het gewys hoe om ceviche voor te berei.
Ceviche is 'n Peruviaanse gereg waar die vis in lemmetjiesap "gaargemaak" word. Dit is noodsaaklik dat die vis baie vars moet wees. Hierdie tilapia het Woensdagoggend nog geswem.
Hendri Jooste was in beheer van die mosselpot.
Die mossels is voorberei in 'n klappermelk-gemmer-sitroengras-sous.
Dit is nou weer mode om seekos in skulpe te bedien.
Peter Duncan het die hoofgereg voorberei: kraakvelforel, voorgesit op spinasie-en-feta-ravioli met geskroeide knoffel-en-tequilasous.
Die geheim is dat die pan rookwarm moet wees, anders sit die vel vas.
Natasha Twynham het reggestaan om die steurgarnaal-tempura te demonstreer.
Net die sterte word vir die tempura gebruik, terwyl die res ekstra geur gee aan Hendri se mosselpot.
Die tempura word in baie warm olie vinnig gediepbraai.
Aan die tafel
Geen boekbekendstelling is afgerond sonder Leopard's Leap nie.
Die mossels is in 'n papierpakkie voorgesit.
Mossels in klappermelk-gemmer-sitroengras-sous
Tilapia-ceviche, bedien met steurgarnaal-tempura en tortillaskyfies
Kraakvelforel, voorgesit op spinasie-en-feta-ravioli met geskroeide knoffel-en-tequilasous
Izak de Vries van LAPA-Uitgewers aan die woord
Die gelukkige gaste
The Private Hotel School bied in September en Oktober op Donderdae en Vrydae 3-gang-middagetes aan teen R80 per persoon. Besprekings is noodsaaklik: 021 8813792 / admin@privatehotelschool.co.za.
Foto's: Naomi Bruwer
Kommentaar
Baie interessant. Sal beslis die resepte uittoets. Ek hou veral van die eenvoud van die resepte asook die geregte 'rondom ' visdisse soos die maak van skyfies ,souse ens.