die skedel breek oop

  • 1

oogkaste loop soos uitgepeulde erte oor teerbane:
ingesuurdes skuur skouers, skif skilfers, peu(p)el
geelwitbruinswart; konkas nanagvuur om
sinkplaat-shacks talm swaar,
Chanel N° 5 walm oor die stad

plastieksakke bult in Checkers, die brood
en melk is op, die kinders maak my op met
die geneul oor nuwe tablets, sê die ma, die pa
bedel tablets by Dis-Chem vir sy kop, die medies
is op, sug die pa, die vrou by die till ril oor die bedrag
straatkakofonie bemoedig musikante se Fresco-blikke, klingel leeg o, bengel die kasregisters!
munte val tussen voete op winkelvloere op busse op oop hande – gotweet die land is arm
die skedel breek oop
die nasie lag

©Susanne Pike

  • 1

Kommentaar

  • Reageer

    Jou e-posadres sal nie gepubliseer word nie. Kommentaar is onderhewig aan moderering.


     

    Top