KlasKamer is 'n ruimte vir almal wat belangstel in die onderrig van Afrikaans op hoërskool. Opvoeders, leerders en ouers is welkom om hierdie forum te gebruik om hul sê te sê en om vraestelle en notas uit te ruil. Hier mag almal na willekeur “spoeg en plak”. Ons is onafhanklik en praat reguit. In hierdie virtuele klaskamer hoef jy nie 'n wag voor jou mond te plaas nie. Geen klokke word ooit gelui nie. Dasse, broekpakkies en skooluniforms is streng verbode. Hier is nie 'n personeelkamer met gereserveerde stoele vir “important” mense nie. Dis jou plek dié! As jy 'n bydrae wil lewer, kontak ons via klaskamer@litnet.co.za.