Miniseminare

<< Terug | Back

Val die dice steeds verkeerd?
Daar is onlangs uitgewys dat daar ‘n onproporsionele hoë voorkoms van bruin mans in Suid-Afrikaanse tronke is (18% van die land se tronkbevolking). Die bruin gemeenskap worstel ook met ander kwessies: tik, bendes, swak skoolprestasies. Is die grootste probleem bruin identiteit? Of gaan dit oor marginalisering oor ‘n breë front? Sprekers: Joyce Witbooi, lid van die Wes-Kaapse Wetgewer Danny Titus, Uitvoerende dekaan, Kollege van Regte, Unisa Marlene le Roux, direkteur Ontwikkeling en Onderrig, Kunstekaap Christo van der Rheede, hoof van die Sentrum vir Bemagtiging deur Afrikaans
	Danny Titus: Die ''dice'' het weer verkeerd geval "Ons is bruin in hierdie land, ons is Suid-Afrikaners van die eerste orde, ons was eerste hier. Ons staan onder die Grondwet van Suid-Afrika as gelyke burgers, gebore in gelykheid en in waardigheid. Die bruin mense van Suid-Afrika is Africans van Afrika net soos enige iemand anders."
	Val die dice steeds verkeerd? - Christo van der Rheede "Afrikaans bied dus aan ons ’n unieke geleentheid om saam met ander Afrikaanssprekendes die volle potensiaal van die akademiese, kulturele, ekonomiese en maatskaplike voordele wat opgesluit lê in die Afrikaanse taalmark en kennisprodukte te ontgin. Verder hou die uitbreiding van die Afrikaanse taalmark en die skep van nuwe inheemse taalmarkte enorme sosio-ekonomiese potensiaal vir Suid-Afrika in."

Is dit mensebloed wat hierdie bossie-aarde voed?
Waarom is misdaad in Suid-Afrika so gewelddadig en brutaal? Het dit te doen met die feit dat ons rewolusie so vreedsaam was, en dat daar van 'n siedende onderdrukte politieke woede sprake is? Het dit te doen met 'n kultuur van geweld wat vir eeue in stand gehou is, sedert die slawetyd tot met 1994? Of is dit dwelms wat mense so onmenslik en wreedaardig laat optree? Die paneel ondersoek hierdie en ander redes en doen voorstelle oor moontlike oplossings. Sprekers: Irma Labuschagne, kriminoloog Andrea Hurst, filosoof van die Nelson Mandela Metropolitaanse Universiteit Thembelani Ngenelwa, skrywer van ‘n nuwe boek The Day I Died oor hoe hy 'n gewelddadige aanval oorleef het.
	Andrea Hurst: Hoe moet ons oor geweld dink? "Een ding is duidelik: dis onmoontlik om die een "oorsaak" as uitsluitlike verklaring bo die ander uit te sonder. In plaas daarvan sal ons geweld as 'n komplekse verskynsel moet benader wat op verskeie vlakke verstaan en hanteer moet word. "
	Thembelani Ngenelwa: Why is crime in SA so violent? "I was shot five times at close range in 2003, dragged on to the railway lines for the oncoming train to grind, and left there for dead. I can still picture the eyes of my attackers as they sprayed me with bullets until their guns could shoot no more. I can never forget the hatred that they had in their eyes as the bullets grazed my body and shattered my bones."
	Is dit mensebloed wat hierdie bossie-aarde voed? "Die norme wat in sommige groepe heers, kan hulle geweld as die mees toepaslike respons in baie omstandighede laat beskou. Hierdie norme het ‘n eie werklikheid en beïnvloed gedrag - gedrag wat dikwels, om aan die groep se verwagtings te voldoen, tot uiterste geweld kan lei."

Kommentaar is welkom. Stuur briewe aan webvoet@litnet.co.za.

<< Terug na miniseminare | Back to mini-seminars <<