César Vallejo

  • 1

César Vallejo
15 April 1938

Vir Heleen Louw

hy buk oor jou
die bruidegom in sy kispak op die katel
steek ’n ruiker in jou knoopsgat
in jou neus die spesery
van ’n enkele vars wit angelier

op jou pos
die daaglikse beoefenaar
van ’n verworwe
taai ontoegeeflike geduld
ander noem dit vakmanskap

getrou
onvertaald Spaans
bly jou blik
die noulikse ruising
van die tromrol op sy plat vlak

wanneer die dood
sy skyn
ondersoekend op die houtsneewerk van jou gesig
laat val

  • 1

Kommentaar

  • There wont be definite answers for death and immortality. To ensure and contemplate is why we live but to trace and record is what makes a poet. The moment we have a thought on the topic is when we are set free from mundanes.

  • Reageer

    Jou e-posadres sal nie gepubliseer word nie. Kommentaar is onderhewig aan moderering.


     

    Top