bloot ’n vers

  • 5

bloot ’n vers

’n doodsberig sny nie jou tong uit nie
slaan nie met saulus-blindheid nie
laat die rare reuk van bloed onsigbaar-bang
om jou ellende hang

dit maak jou doof:

daardie skril stilte wat
swart-en-wit kiekies raam met
laggende monde wat vol
k l a n k l o s e vreugde
stol –

om weer te hóór
moet jy sin-skagte diep
in woordmyne boor
om goudklonte in leë
skatkiste te stoor

want die dood bly
(oorverdowend)
bloot ’n vers
wat skreiend skree
om vir ewig te leef

  • 5

Kommentaar

  • "daardie skril stilte wat
    swart-en-wit kiekies raam met
    laggende monde wat vol
    k l a n k l o s e vreugde
    stol –"
    Hierdie kontrastering doen dit vir my. Wow. Jy kan en mag dig. Welgedaan.

  • Reageer

    Jou e-posadres sal nie gepubliseer word nie. Kommentaar is onderhewig aan moderering.


     

    Top