Helena Mellet

Helena Mellet het in 2007 gematrikuleer by Hoërskool Lutzville en daarna met haar graad in BA Taal en Kultuur by Stellenbosch-universiteit begin.

Sy het grootgeword in ’n huis met baie boeke. Haar boekwurm-ma het haar leer lees en skryf nog voor sy skool toe is. Dis aan haar ma dat sy haar liefde vir woorde te danke het. Op 15 skryf sy haar eerste gedig vir ’n skooltaak. Dit was dalk die vrotste gedig in die hele letterkundige geskiedenis, maar dit het ’n nuwe wêreld vir haar oopgemaak. Dertien jaar later is sy steeds verknog aan dié manier van uiting aan die innerlike gee. Sy was ’n kaalvoetkind, met ’n kop vol drome in Namakwaland. Dit is daar waar haar fassinasie met mense en hulle dinge begin het.  Sy is ’n stil mens, want haar oë en ore werk oortyd. In elke oomblik van die dag is daar ’n storie of gedig wat wag om geoes te word. Sy skryf oor mense en mensdinge, oor die lewe en al sy kinkels en koekerasies wat hy na mens se kant toe gooi. Sy is verslaaf aan die reuk van ink op papier en honger vir woorde wat siele versadig, ongeag uit wie se pen dit kom.

As die naaimasjien die fan tref

Helena Mellet Fiksie 2017-10-31

"Hesmarie Jordaan is nie ’n mak mens nie. Puntenerig soos ’n ou wiskunde-onderwyser, vind fout met alles. So trots, dit grens amper aan hoogmoed."

Huis, woning, tuiste: Helena Mellet se inskrywings

Helena Mellet Skryfkompetisies 2017-02-13

Lees Helena Mellet se inskrywings vir LitNet se gedigkompetisie: Huis, woning, tuiste.

Dit wat in die hart sit

Helena Mellet Skryfkompetisies 2015-05-06

Doodstil. Sonder klank of beweging ...

Top