Erika Terblanche

Gebore en getoë op Heidelberg in die Suid-Kaap. Matrikuleer in 1968 daar en gaan swot BA met Geskiedenis en Frans as hoofvakke en ‘n Hoër Diploma in Biblioteekkunde aan US. Gaan werk by die Kaapse Provinsiale Biblioteekdiens as Afrikaanse boekkeurder totdat haar oudste dogter gebore word. Maak vir elf jaar kinders groot en verhuis in 1982 na Bloemfontein. Begin in 1987 by die Nasionale Afrikaanse Letterkundige Museum en Navorsingsentrum werk en bring bykans twintig wonderlike jare daar deur, waar sy met die Afrikaanse skrywers, uitgewers en ander belangstellendes in ons taal kontak gehad het. In 2007, na herstrukturering van die departement, bedank sy. Na ’n jaar by die Departement Afrikaans van UV tree sy en haar man, Harold, ’n stadsbeplanner, af en verhuis in 2009 na Durbanville. Sy is sedert Augustus 2007 verantwoordelik vir die Afrikaanse Skrywersalbum op LitNet en werk deeltyds by die Afrikaanse Taalmuseum in die Paarl. Sy en Harold het twee dogters en ’n seun, en die mooiste kleindogter in Suid-Afrika, indien nie in die hele wêreld nie. Opgedateer/Updated: 2010-06-22 Bio-inligting verouderd? Stuur 'n e-pos aan bio@litnet.co.za Bio-info dated? Send an e-mail to bio@litnet.co.za

Dan Sleigh (1938–)

Erika Terblanche ATKV|LitNet-Skrywersalbum 2017-10-12

“’n Violis sou nie wou hê iemand moet aan sy strykstok of viool iets verander nie – hoekom kan dieselfde respek nie vir taal geld nie?” Lees oor Dan Sleigh se lewe en werk.

Ingrid Winterbach (1948–)

Erika Terblanche ATKV|LitNet-Skrywersalbum 2017-09-22

"As jy ’n romanskrywer is, moet jy die tyd waarin jy leef, uitbeeld. Jy moet die hele spektrum van menswees uitbeeld." Ingrid Winterbach se skrywersprofiel is nou volledig bygewerk.

Jaco Jacobs (1980–)

Erika Terblanche ATKV|LitNet-Skrywersalbum 2017-09-20

"As skrywer probeer ek nie te ver vooruit kyk nie – ek doen bloot my bes om boeke te skryf wat jong lesers hopelik sal oortuig dat dit die moeite werd is om in Afrikaans te lees." Lees oor Jaco Jacobs se lewe en werk.

Etienne van Heerden (1954–)

Erika Terblanche ATKV|LitNet-Skrywersalbum 2017-08-31

"In my geval is die landskap altyd een van die hoofkarakters in my boeke. My onderbene is ingemessel in Afrika en dit blyk uit my skryfwerk." Lees oor Etienne van Heerden se lewe en werk in die ATKV|LitNet-Skrywersalbum.

FIJ van Rensburg (1922–2015)

Erika Terblanche ATKV|LitNet-Skrywersalbum 2017-08-22

"My grondoortuiging is dat skrywers mekaar nodig het. Veral in ’n gemeenskap soos die Afrikaanse. Sonder sy kuns is ’n gemeenskap ’n ongesoute stuk vleis, en sonder voeding van die kant van sy gemeenskap stel dit die skrywer aan die gevaar van bloedarmoede bloot." Lees oor FIJ van Rensburg se lewe en werk.

Fritz Steyn (1913–1986)

Erika Terblanche ATKV|LitNet-Skrywersalbum 2017-08-15

"Wyle regter Steyn het hom op talle terreine onderskei – in die letterkunde en die politiek, in kultuurkringe en die regswese. Hy was ’n selfstandige denker en sy sienings was soms polemies. Die polemiese het hy met ’n besondere humorsin getemper." Lees oor Fritz Steyn se lewe en werk.

Antjie Krog (1952–)

Erika Terblanche ATKV|LitNet-Skrywersalbum 2017-07-25

“As ek ’n lewe daaruit kon maak, sou ek net wou dig.” Lees oor Antjie Krog se lewe en skryfwerk in die ATKV|LitNet-Skrywersalbum.

Martie Preller (1948–)

Erika Terblanche ATKV|LitNet-Skrywersalbum 2017-07-18

"Mense wat hul drome kan laat waar word op ander maniere as wat hulle ooit gedroom het, inspireer my. Mense wat hul ding doen sonder om ander mense te blameer of te misbruik, inspireer my." Lees oor Martie Preller se lewe en werk.

Uys Krige (1910–1987)

Erika Terblanche ATKV|LitNet-Skrywersalbum 2017-06-22

“Daar is niks in die hemel of op die aarde of onder die see wat nie in Afrikaans uitgedruk kan word nie. Dit is op die veld gebore en is so eie aan ons land as die lang geel gras eie aan die grootste deel van Suid-Afrika.” Lees oor Uys Krige se lewe en werk.

PG du Plessis (1934–2017)

Erika Terblanche ATKV|LitNet-Skrywersalbum 2017-06-07

“Ek kry my stories by baie mense. Ek bevolk die stories met karakters en gee hulle vleis. Dan groei hulle maar met die tyd. Naderhand oorgroei party.” Lees oor PG du Plessis se lewe en werk.

Pirow Bekker (1935–)

Erika Terblanche ATKV|LitNet-Skrywersalbum 2017-06-07

“Skryf is ’n voortdurende onvrede met die tevredenheid. Daarom is dit half jammer ’n skrywer is net een maal in hierdie wêreld. Ek sê altyd ’n mens moet drie lewens hê: om te lewe, om te lees, om te skryf.” Lees oor Pirow Bekker se lewe en werk.

Rykie van Reenen (1923–2003)

Erika Terblanche ATKV|LitNet-Skrywersalbum 2017-05-25

Oor die joernalistiek het Rykie van Reenen gesê: "Dit verstom my elke dag dat ’n mens vir soveel lekkerkry betaal word!" Lees meer oor haar lewe en werk.

CF Beyers-Boshoff (1926–1989)

Erika Terblanche ATKV|LitNet-Skrywersalbum 2017-05-16

"As jy skryf, moet dit wees soos ’n stuk rou lewer wat jy op wit satyn gooi. Vir subtiliteit is daar in kommersiële skryfwerk min plek." Lees oor CF Beyers-Boshoff se lewe en werk.

Ena Jansen (1951–)

Erika Terblanche ATKV|LitNet-Skrywersalbum 2017-05-11

"Om in Amsterdam so betrokke by Afrikaans en Suid-Afrika te kon wees, was ’n tuiskoms, dit het wat werk betref my bestaan in Nederland nóg sinvoller gemaak as wat dit al was nadat ek agter my hart aangetrek het soontoe." Lees oor Ena Jansen se lewe en werk.

Karel Schoeman (1939–2017)

Erika Terblanche ATKV|LitNet-Skrywersalbum 2017-05-04

"Afrikaanssprekendes het dieper leer lees; hulle het agtergekom dat daar ook iets tussen lettergrepe gebeur." Lees oor Karel Schoeman se lewe en werk.

Top