Aardklop se splinternuwe tiener- en studenteprojek, Pronk Podium, skep ’n platform vir jong teatermakers.
Ses produksies, die top drie tienerproduksies (wat gekies is uit die Tshwane- en Noordheuwel Toneelfees) sowel as die top drie studenteproduksies van die Noordwes Universiteit se Potchefstroomkampus, het die geleentheid gekry om by vanjaar se fees op te tree.
Meer as 80 tiener- en studenteproduksies het vir die projek ingeskryf.
Die wenners is Donderdagmiddag (5 Oktober) by Aardklop Nasionale Kunstefees bekend gemaak. Alexa Strachan, Aardklop se feesbestuurder sê, “Die fees besef die waarde daarvan om te belê in jong talent en die teatermakers van môre. Dit het tot die ontstaan van die Pronk Podium gelei.”
Die wenners sluit in:
Beste algehele tegniese versorging:
Tienerproduksie - My planeet deur Potchefstroom Gimnasium
Studenteproduksie - SPEL deur Patria Manskoshuis
Beste regisseur:
Tienerproduksie - Pierre-André Viviers vir My planeet deur Potchefstroom Gimnasium
Studenteproduksie - Pierre-André Viviers vir Droom deur Klawerhof Dameskoshuis
Beste aktrise:
Tienerproduksie - Zandelle Meyer van My planeet deur Potchefstroom Gimnasium
Studenteproduksie - Veronica Ramokgoname van Droom deur Klawerhof Dameskoshuis
Beste akteur:
Tienerproduksie - Christo Horn van My planeet deur Potchefstroom Gimnasium
Studenteproduksie - Leon Claasen van SPEL deur Patria Manskoshuis
Top-3 produksies:
3de plek - Tienerproduksie - Hoërskool Zwartkop met Hunk24 en Babe11
3de plek - Studenteproduksie - Vergeet-my-nie Dameskoshuis met Huis
2de plek - Tienerproduksie - Hoërskool Eldoraigne met KZ
2de plek - Studenteproduksie - Patria Manskoshuis met SPEL
1ste plek - Tienerproduksie - Potchefstroom Gimnasium met My planeet
1ste plek - Studenteproduksie - Klawerhof Dameskoshuis met Droom
Algehele beste produksie
Klawerhof Dameskoshuis met die produksie Droom.