Martin Philip Kidd (gebore 1986) is ’n navorser in die Departement Elektronika, Rekenaarwetenskappe en Stelsels aan die Universiteit van Bologna, Italië, en het die grade BSc (Wiskundige Wetenskappe), Honneurs BSc (Operasionele Navorsing) en PhD (Operasionele Navorsing) in onderskeidelik 2007, 2008 en 2011 aan die Universiteit Stellenbosch behaal. Hy was van Desember 2007 tot Januarie 2008 deeltyds aangestel by Standard Bank as deel van die kwantitatiewe-analise-span, en van Januarie 2010 tot Junie 2010 in die Departement Logistiek aan die Universiteit Stellenbosch as deeltydse dosent. Verdere deeltydse werk sluit ook in verskeie student- en navorsingsassistentskappe aan die Universiteit Stellenbosch. Sy navorsingsbelangstellings lê in kombinatoriese ontwerp, skedulering en kombinatorise optimering.