 |
||
|
||
 |
Leopold Scholtz: Vroom of regsinnig?: Europese storm ook op pad na Suid-Afrika “Het die slang in die Paradys gepraat? Hoe kon Jona in die vis se maag pas? Was Christus se geboorte maagdelik? Vir die regsinniges – dié wat altans oorgebly het – lê sulke vrae dikwels in die sentrum van hul geloofslewe. Dit verveel die ander. Dit dryf hulle juis weg van die kerk.” |
|
 |
André Olivier: Vroom of regsinnig? – Kerkhistorikus André Olivier reageer “Die lewende verhouding met die lewende Here is ’n egte tradisie van die NG Kerk. Maar ook om belydend en getuigend kerk te wees eerder as om konfessionalisme (juridiese intellektualisme) te bevorder.” |
|
 |
Pieter Kapp: Het Vroom of regsinnig? enige besondere betekenis vir die sekulêre geskiedskrywing oor Suid-Afrika? “Hy verklaar dat die gewone lidmate weinig kennis van die debatte geneem het, want hulle ’neem die Bybel aan net soos dit is en sal selfs so ver gaan om te sê dat die Bybel daar is net asof dit so uit die Hemel gekom het'” |
|
 |
Deon Thom: Vroom of regsinnig? – Kerkhistorikus Deon Thom antwoord “Soos die titel aandui, sluit Brümmer aan by die vindingryke vergelyking van GK Chesterton waarin hy 'vroomheid' beskryf as 'a love affair [with God]' terwyl ’n strewe na teologiese korrektheid ('regsinnigheid') gesien word as 'something like a theory'” |
|
 |
Wil jy ’n bydrae lewer tot hierdie gesprek? Stuur jou voorstel aan akademies@litnet.co.za." |
|
.jpg)
Kommentaar
Geagte Dames en Here, die probleem met enige kerk is die eenvoudige feit dat 'n kerk, 'n geloof jou emosioneel aanspreek (of al dan nie). Dit is dus futiel om daaroor te redeneer, al is dit ook hoe wetenskaplik. Probeer met twee verliefdes daaroor te redeneer dat dit tussen hulle nie sal, nie kan positief uitwerk nie!
Die groot probleem wat die NG Kerk as Calvinistieses kerk het is juis hierdie wetenskaplike, hierdie onemosienele benadering van Godsdiens: Calvyn het in Geneve self die speel van kaarte of dans as sonde beskou. En die wêreld reageer anders. Dit wil dans en sing en pret hê by 'n godsdiens, ja, selfs by 'n begrafnis. En, hoe "verkeerd" die geloof kan wees, kan mens aan die figuur Christus sien: Hy het die dronklappe wat al die wyn op daardie huwelik in Kanaan opgedrink het nie oor die kole gehaal nie, maar liewer die fees laat aangaan en daarvoor water in wyn verander. Ek wil nie weet wat die media vandag daaroor sou te sê hê nie. En dan, hy het met die handelaars in die "Huis van God" nie eers mooi gesels en met hulle geargumenteer nie, maar hy het hulle toornig verdryf. Vandag sou ons so 'n man voor die hof daag, want die handelaars het 'n reg gehad om daar hul ware te verkwansel.
Soveel vir die vroomheid of regsinnigheid van alle kerke, maar, en veral van die Calvinistieses kerk! Goethe het sy Faust laat sê: Die boodskap hoor ek wel, maar, ek kan die boodskap nie verstaan as ek nie daaraan glo nie. En, Jesus het getroos: "As ons nie soos kinders glo nie ..." En dan daardie Korinte 13! Ag, hoe elendiglik onwetenskaplik, ag, hoe nou, ag hoe regsinnig! Ergerlik, voorwaar, vir vele.
Groete!
Hannes Deetlefs
Harmonieweg 49601, Lütisburg-Station, Schweiz / Switzerland