SêNet-briewe | Letters

 
Saartjie se NG Kerk-storie

RSG se Saartjie-gesprek van vanoggend was heel interessant. Sy het vanuit haar kerk weggeloop en na iets anders emigreer. Loop die NG Kerk werklik leeg?

Ek glo nie hierdie tendens kom net in die NG Kerk voor. Die NG is maar net ’n voorbeeld van ’n kerk wat met jare saam strukture en dogmatiese hekke om hulself opgerig het. In eenvoudige Afrikaans noem ons dit – ’n kerk wat ’n ‘werkende besigheid’ geword het.

Ekself onderskei 2 tipe kerke:  Die professionele kerk of die Geesvervulde kerk. Die professionele werk streng volgens strukture om enige ‘wanorde’ uit te skakel, terwyl die Geesvervulde kerk staatmaak op die werking van die Heilige Gees wat gesien word as die Hoogste Gesag asook Hoof van die gemeente.

Na jare loop ALLE kerke die gevaar van hekke oprig of strukture rondom hulself opbou. Subtiel ontstaan dit vanuit kerkraadvergaderings of voorstelle vanuit hoofkantoor. Dit is die plig van die leiers en leraar van ’n spesifieke gemeente, om teen hierdie ‘kankervirus’ te waak. Strukture kortwiek die werkinge of vry vloei van die Gees in ’n gemeente. Vandag is daar die Liberalistiese kerk wat besluit het teen alle strukture en vryheid verkondig. Ek glo dit kan die pendulum vir die algemene kerk weer laat terugswaai.

Alhoewel ek my eie kerk het, is ek betrokke by verskeie interkerklike aksies. Hierdie maandelikse saamtrek van groot groepe mense, gelowiges en ongelowiges, blyk tans vir die kerk ’n oplossing te bied. Daar word glad nie denominasie gepraat, en word die onderskeie lidmaat weer teruggestuur na sy dorp en kerk. Hier kan katoliek, NG, liberalis, satanis, ens saamkom en die waarheid van die woord ontdek asook die verrese Jesus Christus persoonlik ontmoet. Die eintlike werk van die kerk! Wedergeboorte vind dan spontaan plaas, waar van hulle al 50 jaar in die kerk sit met geen wedergeboorte ondervinding.

Rade en vergaderings is ’n moet, ekself neem aan vele deel. Maar as die finale besluit nie onderworpe is aan die toestemming van die Heilige Gees, wat se teenwoordigheid ’n werklike Persoon moet wees by enige van hierdie vergaderings, broei daar gevaar uit en kan daardie kerk maar sy deure sluit! Gewoonlik wanneer ’n rooilig vir my flits op sekere besluite, dan onderskei ek toekomsgevaar. Ons moet altyd bewus wees dat slegs die Gees van God die toekoms ken!

Lidmate is op soek na ’n lewende gemeente, maak nie saak of dit NG, evangelisties, charismaties, pinkster, liberalisties ens is, waar hul in ’n vurige persoonlike liefdesverhouding met God kan ingaan. Daar waar mense nog vir mekaar omgee, en dit nie oor tiende gaan nie.

Saartjie se storie van vanoggend het dit goed saamgevat.  Dit gaan nie meer oor politiek, aborsie, gayskap, ekonomie of militarisme nie. Eintlik vat die woord van God dit mooi saam: “Soek eers die Koninkryk van God, en die res sal vir jou bygevoeg word.” – maw, na ’n persoonlike ontmoeting en verhouding met God, sal die res van die dinge soos politiek, militêre aksies, ekonomie, gay verhoudinge, aborsie, ens spontaan herstel en gesond word.

Jan Rap het groot waarheid in sy brief geskryf omtrent ’n korrekte ‘tipe regering’. ’n Christelike regering wat korrekte waardes en standaarde daar stel, is al oplossing vir ons huidiglik in SA!  Want ’n politieke leier wat ’n christen is en in ’n lewende verhouding met sy God staan, het ’n ander gesindheid wat omgee vir die skepsels van die Skepper. Ongeag ras.

’n Kerk mag nie sy greep op mense verloor. Die NG kerk sal haastig na herlewing moet soek en na hulle geestelike voedsel moet kyk. Reformasie sal moet plaasvind. Nie meer gaan dit in die kerk oor wat die korrekte doop of liedere is wat gesing mag word. (NG Kerk, smyt uit die dooie pyporrelspel, kry jou jongmense bymekaar, en bou vanuit hulle ’n lofprysingspan en voer allerhande musiekinstrument in en begin die Here te loof en prys op die toppe van julle stemme! – sorry, hierdie is net my eie voorstel, maar is dit al manier hoe die NG Jeug herstel sal word!) Jongmense is moeg vir institusionele magspeletjies, kerkordes, kommissies wat verwar en doodsheid kanoniseer.  Moet ook nie die jeug se intellektuele uitdagings onderskat nie. Sekere Hervormde antwoorde is uitgedien. Wȇreldklas Christen Bybelwetenskaplikes se nuutste navorsing bring enorme geloofwaardigheid tans. ’n Nuwe uitdaging vir die geloof!

Die oplossing?  Word ’n lewende lidmaat in ’n lewende kerk wat ’n lewende God dien!

Trienie Mahne


Comments 6 Reaksies | 6 Comments
Delete Comment
avatar
Chris Dippenaar
2013-01-25 @16:31
Ek stel digeridoo en vuvuzela ensembles djembe dromme vir 'n effense polsslag voor. Verkieslik onder 'n volmaan, met Kobus as hoofspreker.
Delete Comment
avatar
Thys Human (PTA)
2013-01-25 @18:27
O gaats!  Nou moet die kerk in 'n "christelike regering" regmaak wat hy in dekades onder 'n NP-regering nie kon doen nie - en toe besluit het om ongedaan te maak via mense soos Bey Naude, Johan Heyns, Nico Smith en andere.
 
Wonder wie hulle as president van die christelike regering sien - seker Isak Burger van die AGS wat tog sulke lekker stories oor die hel kan vertel en al die ongelowiges soontoe kan stuur!
 

 
 
Delete Comment
avatar
Duitswester
2013-01-26 @00:49


Dag Trienie,

Wat jy sien gebeur regoor die aarde, Konstantyn se beweging kom tot 'n einde, baie "kerke" smelt saam met Islam, en regverdig dit uit die Bybel ook nog. Ek het lankal weggestap van die sg Christendom af.

Een van my baie onbeantwoorde vrae is steeds, hoeveel Jesus Christusse het die kerk? Daar is soveel verskille in hul "dogma". Party kerke staan saam met Israel waar die Arabiere hulle wil uitwis en die land Israel vat, ander reken Homoseksualisme is als reg/geen sonde, so kan ons 'n lang lys skryf. Die "kerk" het miljoene Jode vermoor, en dit luidkeels in die naam van Jesus Christus ?????.

Geen geloof beskik oor al die waarheid tot die uitsluiting van alle ander gelowe nie Trienie, maar dit wat in die kerke aangaan is iets om te betrag en jou besluit te neem. Weeg alles wat hulle sê teen die woord en weeg die woord ook teen wat hulle sê, dan sal jy die waarheid weet.

 

Shalom

Duitswester

 

Delete Comment
avatar
Perdebytjie
2013-01-27 @09:03

Beste Trienie,

Het dit al ooit by jou opgekom dat die duisende lidmate wat die NG Kerk verlaat het, dalk tot ander insigte gekom het oor godsdiens? Al die jare was dit van almal verwag om Christelik te wees, kerk by te woon, in skole met godsdiens gegooi te word, of mens nou daarvan gehou het of nie.

Jy was nie in tel as jy enigsins buite die boksie van Christendom gedink het nie. Ek gaan nie verder hierop in nie,want ons onthou almal hoe mense uit poste gehou is, sendingwerk onder sg heidene gedoen is, die neerbuigende houdings teenoor ander godsdienste ens.

Nog ’n mistasting wat jy maak, is dat morele waardes alleenlik met godsdiens saamhang. Dis loutere snert. Moraliteit is deur godsdiens gekaap, as sou dit ’n spesiale eienskap van slegs godsdienstiges wees. Moraliteit is ’n menslike eienskap, wat sonder godsdiens ewe goed funksioneer.

Na apartheid het die greep van die kerk op die samelewing verslap en mense kon vryelik lees en dink wat hulle wil. Met al die leesstof tot ons beskikking, gaan daar ’n wereld vir ons oop en kan mens jou denke verder sprei as wat die eng en benoude godsdiens in die verlede toegelaat het.

Jy moet net waaghalsig wees, bietjie wyer lees as Christelike boeke en oopkop wees oor ander denke as joune.

Groete

Perdebytjie

Delete Comment
avatar
adre claassens
2013-01-27 @10:18

Ja, tot die mens nie terugkeer na die Skrif en die Waarheid met nuwe oë beskou nie, sal die dwaalleer net vermeerder.

Een van die tekens van die laaste dae: die mens sal koud word teenoor hulle Skepper en Verlosser en die valse christusse sal toeneem! Elke woord is waar.

Vergeet van musiek, vergeet van "Jesus mooi maak en aanvaarbaar kry" vir die kinderjties! Hou net by Sy Woord en Sy Waarheid!

Delete Comment
avatar
Chris Dippenaar
2013-01-28 @12:04

Matt. 10: 34 Moenie dink dat Ek gekom het om vrede op die aarde te bring nie. Ek het nie gekom om vrede te bring nie, maar 'n swaard

Andre, is dit "Sy Woord en Sy Waarheid"?

   om te reageer | to comment
    Slegs indien jy inteken sal:
  • jou kommentaar aan jou LitNet-profiel gekoppel word
  • kan jy aandui dat jy 'n boodskap wil ontvang indien ander kommentaar by hierdie artikel verskyn.
    When you sign in:
  • your commentary will be linked to your LitNet profile
  • you have the option of receiving notifications of new commentary on this article.

Reageer | Post a comment
Kommentaar is onderhewig aan moderering | Comments to be moderated
Naam | Name  
E-posadres | Email address